بعد اتهامها بخطف وتعذيب حلمي بكر.. سماح القرشي: كلامهم كذب وهو قال أنا مش عيل صغير عشان اتخطف

خرجت سماح القرشي، زوجة الموسيقار حلمي بكر للرد على اتهامات نجله والتي فاجئ بها الجمهور منذ قليل، حيث أشار فيها بأن حلمي بكر تعرض للخطف والتعذيب على يد زوجته سماح القرشي وأهلها، مؤكدة أن هذا الكلام لا أساس له من الصحة.

أول تعليق من زوجة حلمي بكر على اتهامها بخطفه وتعذيبه

وتابعت زوجة حلمي بكر حديثها في مداخلة هاتفية على قناة أون من خلال برنامج كلمة أخيرة والذي تقدمه الإعلامية لميس الحديدي ورصدها موقع تحيا مصر، قائلة: الكلام اللي بيتقال ده كله مش صحيح وهما نفسهم اللي عملوا ضجة في 2019 وقالوا جابت بلطجية.. مش عارفة الخانقة اللي بتحصل دي بسبب ايه وحلمي بكر لا يمتلك أي شيء دي حتى فلوسه اتسرقت، هو معهوش فلوس حتى يعالج بيها نفسه والبنك قافل على 5 مليون جنيه.

وعن الحالة الصحية للموسيقار حلمي بكر، قالت سماح القرشي:  ذاكرته زي الفل لكنه مش بيتحرك خالص بقاله 4 شهور لكنه واعي ومدرك جدا للي بيحصل حواليه، زوجة وأما سمع الكلام اللي بيتقال عنه قال عيب أنا مش عيل صغير عشان اتخطف انا قاعد مع مراتي وبنتي.

زوجة حلمي بكر: جبته محافظة الشرقية عشان يغير جو 

وعن مكان الموسيقار حلمي بكر، قالت سماح القرشي: هو  في محافظة الشرقية مش في الأرياف لكن في مدينة كفر صقر وإخوته كانوا هنا الأسبوع اللي فات قلنا نخليه يغير جو في هواء نظيف جينا هنا علشان أرعاه وعلشان أهلي يساعدوني فيه لأن الحمل كان عليا تقيل ومعندناش إمكانيات أننا نوديه مستشفى خاص لأن أمواله سرقت من مدير أعماله ومكنش ينفع نسيبه.

وأكدت سماح القرشي: مسموح لأي حد يزور الأستاذ حلمي بكر ومش بنمنع حد وأخواته جم لأخوهم وطلبوا ياخدوه معاهم ورفض ففي حين أنه كان تعبان بالقه ثلاثة اشهر ومحدش جاء زاره وهو نفسيا تعبان وبيقول الناس كانت محتاجني لما كنت على الشاشة ولما تعبت محدش فاكرني.

واختتم حديثها، قائلة: احنا بنرد على الأرقام المعروفة المسجلة على تليفونه لكن بقية الأرقام غير المعروفة مش بعرف أرد عليها فيه صحفين كتير بيتصلوا وأنا عندي بنتي في مدرسة وعندي حالته مشغولة معاه.

ابن حلمي بكر: أبويا حالته الصحية مش كويسة.. وبيتعذب من أفراد مرتبطين بمراته

بعد قليل.. استكمال محاكمة دير أعمال الموسيقار حلمي بكر لاستيلائه على أمواله

نجل حلمي بكر يستغيث: مراته بتعامله معاملة سيئة

وكان قد خرج نجل الموسيقار حلمي بكر، وقال: بيجيلي أخبار عن المعاملة السيئة اللي عايش فيها والدي من مراته الحالية، وناس تانية متعلقين بمراته، مراته طلعته من بيته اللي هو بيت المهندسين اللي أنا اتربيت فيه وأنا صغير، ونقلته لشقة في الشرقية في الأرياف لا تليق بحلمي بكر ابدا، ومحدش عارف يوصل لحلمي بكر لأنهم واخدين منه تليفونه، وأنا بحاول اتصل بيه مش بعرف اوصله، فمراته الحالية مسيطرة على كل شيء.