سميرة سعيد: اتمنعت من الغنا في مصر ببداياتي.. وطلع عليا شائعات كتير

كشفت المطربة سميرة سعيد عن منعها من الغناء في مصر ببداياتها الفنية، وذلك خلال لقاء لها ببرنامج بصمة عبر شاشة تلفزيون قناة الشرق ديسكفري.

منع سميرة سعيد من الغناء في مصر

وقالت سميرة سعيد في تصريحاتها التي يرصدها موقع تحيا مصر: ابتديت اتشهر، وابتديت يكون ليا حفلات كتير في مصر وكان في ناس كتير أوي من الفنانين حسوا أنتي جاية من المغرب، أنتي عندك فرص كتير أوي وفي المقابل في ناس كتير محتاجة نفس الفرص ومش بتحصل، وقتها نقابة الموسيقيين طلعت فرمان بمنع سميرة سعيد من الاشتغال في أي حفلة في مصر لتعدد ظهورها والمسبب كان غريب جدا ورفعنا قضية وكسبناها وقتها.

وتابعت: والمغاربة ابتدوا يحسوا أني بسيب الأغنية المغريبة وبقيت المطربة المهاجرة، وفي مصر بقيت محسوبة على المطربات الوافدات فبقيت حاسة أنا مهاجرة ولا وافدة أنهي واحدة فيهم، ومع الوقت كل الأشياء بتاخد مكانها.

سميرة سعيد والشائعات

وفي اللقاء ذاته، تحدثت سميرة سعيد عن تعرضها للكثير من الشائعات في فترة ما، فقالت: طول الوقت لما بيبقى في حد ناجح أوي، مش دايما بيقولك النجاح دا جاي من موهبة، بيقولوا لا هي بتاعت فلان، مش بيعرفوا أن الست ممكن تكون بشغلها وطموحها وذكائها وعقلها وبمشاعرها تقدر توصل من غير ما يكون في طريق غلط.

واردفت: مش هقول أني مغلطتش في حياتي، لا طبعا زي أي شابة ممكن تغلط، وممكن أضحك مع حد بطريقة لطيفة وهو يفهم غلط، وأحنا في المغرب عادة بنسلم بنبوس بعض، ومش معنى أني ببوس راجل أنه في حاجة، هنا في مصر لما جيت علموني السلام من غير بوس، وبتطلع الشائعات من لا شيء، وعمري في حياتي ما رديت على الشائعات لا باه ولا لا، واعتقد كل دا بيخلي الحاجة تندثر وتروح وتتبخر.

سميرة سعيد عن بداياتها: أبويا كان بيدعمني.. والشهرة قلبت كياني

سميرة سعيد تطرح أغنية جديدة بعنوان كان| تفاصيل

بدايات سميرة سعيد الفنية في الطفولة

وتحدثت المطربة سميرة سعيد عن تفاصيل بداياتها الفنية منذ طفولتها، فقالت: أول مرة أحس بأن حاجة بتشدني، مرة كنت قدام المرايا الساعة 7 الصبح، ورايحين المدرسة المفروض ألبس، وقفت قدام المرايا وأهلي قاعدين في أوضة النوم شافوني شوية بترقص مع نفسي، وشوية أغني أم كلثوم، وفجأة ببص ورايا الاقيهم بيضحكوا وطبعا اتكسفت وروحت جري على طول إحساس بالخجل فظيع كأني عملت مصيبة.