سميرة سعيد عن بداياتها: أبويا كان بيدعمني.. والشهرة قلبت كياني

تحدثت المطربة سميرة سعيد عن تفاصيل بداياتها الفنية منذ طفولتها، وذلك خلال لقاء لها ببرنامج بصمة عبر شاشة تلفزيون قناة الشرق ديسكفري.

بدايات سميرة سعيد الفنية في الطفولة

وقالت سميرة سعيد في تصريحاتها التي يرصدها موقع تحيا مصر: أول مرة أحس بأن حاجة بتشدني، مرة كنت قدام المرايا الساعة 7 الصبح، ورايحين المدرسة المفروض ألبس، وقفت قدام المرايا وأهلي قاعدين في أوضة النوم شافوني شوية بترقص مع نفسي، وشوية أغني أم كلثوم، وفجأة ببص ورايا الاقيهم بيضحكوا وطبعا اتكسفت وروحت جري على طول إحساس بالخجل فظيع كأني عملت مصيبة.

وتابعت: وبعد كدا كان بيحب أنيس أخويا حد في الجامعة معاه وماسك المخدة وأم كلثوم بتغني في كل شهر أغنية جديدة وأنا مش فاهمة هو بيعمل كدا ليه وايه حالة الشجن العظيمة دي اللي هو حاسس بيها، وأنا بسمعه ابتديت أحس، وكنت كل ما بلاقي مزيكا حلوة في أي حتة بسمع وابتديت أحس أن الموضوع يعني لي كتير.

سميرة سعيد: اتشهرت وأنا عندي 9 سنين ونص

واضافت سميرة سعيد: في المحيط العائلي والمدرسي اتعرفت أني البنوتة اللي بغني أم كلثوم وشريفة فاضل ولما كان بيبقى في أفراح في الأسرة كانوا بيقولولي سميرة أطلعي وغنيلنا في أي مناسبة، كل دا بيقول أن البنت دي لازم نقدمها للناس، ولما قدمت في أول برنامج مواهب أمي اخدتني على البرنامج وعملت بروفة يومها على الأطلال وتاني يوم صورنا، تالت يوم كنت خلاص الطفلة المشهورة، وقتها كان عندي 9 سنين ونص.

سميرة سعيد تطرح أغنية جديدة بعنوان كان| تفاصيل

في عيد ميلاد سميرة سعيد.. الإنجاب كلمة السر وراء انفصال الديفا عن هاني مهنا

سميرة سعيد: الشهرة قلبت كياني

واردفت: ورجعت على البيت لقيت أختي بتعيط وبتقولهم طلعوها من التلفزيون عايزة اخدها، اد ايه كانت الحياة بريئة بزيادة، وكنت في مرة طالعة من المدرسة فحد مسك حجر وضربني بيها فجات الحجر في رجلي فطبعا قعدت اعيط وروحت عند المدير وجابوا الولد قال ازاي بيهتموا بيها المدرسين، وأبويا كان داعم، وحصل انتقادات من العيلة من عمامي بالذات، ازاي بنتهم تطلع وتبقى بتغني، وقعدوا يأثروا على أبويا أنه يتراجع، لكن قناعته بموهبتي كانت قوية جدا، والشهرة قلبت كياني كله.