نادر أبو الليف: كنت بساعد المؤلفين وبمد ايدي ليهم وبعرفهم للجمهور وحاليا بينكروا الجميل

خرج المطرب الشعبي نادر أبو الليف ليعرب عن حزنه من عدد من المؤلفين الذين بدأو ينكرون وجوده وينكرون فضله عليهم بعد شهرتهم، مشيرا إلى أنه هو من مد لهم يد العون والمساعدة وعرفهم على الملحنين وذلك من خلال منشور كتبه نادر أبو الليف عبر حسابه الرسمي بموقع التواصل الاجتماعي فيسبوك.

نادر أبو الليف يشكوا من المؤلفين 

وكتب نادر أبو الليف في منشور رصده موقع تحيا مصر: اتمني النظر في تاريخ نزول البوم سلف ودين وأسماء المؤلفين إللي كنت بتعاون معاهم وباخد منهم أغاني وكنت بساعدهم وبمد إيدي ليهم وبقدمهم للساحة الفنية وبظهرهم وبعرفهم للجمهور للأسف وحاليا بينكروا الجميل وبيقولوا إنهم كانوا شغالين مع مطربين هابطين.. وللأسف مع إحترامي للي بيقول الكلام الفارغ ده ولولايا أنا مدرب والناس إللي حضرتك كنت بتشتغل معاهم وإتعرفت علي ملحنين عن طرقهم  مكانش حد عرفك ولاسمع عنك حتي في البوتاجازوكان زمانك بتألف جوا الحمام مع نفسك ولنفسك.

نادر أبو الليف: مش هقول غير حسبي الله ونعم الوكيل وحقي هيجيبي

وتابع نادر أبو الليف حديثه، قائلا: اللي بيحترم بيحترم نفسه  ولكن إن لم تستحي فأفعل ماشئت و كل  واحد معده بينضح عليه وبيدل عليه وتربيته كمان بتبان لان الجمهور المحترم بيفهم وبيعرف وبيحس ومش هقول غير الله وكيلي وهيجبلي حقي وحسبي الله ونعم الوكيل وربي قادر علي كل شيئ وحقي رب العرش هيجيبه ليا قريب بأمرالله تعالي.

واختتم نادر أبو الليف حديثه، قائلا: حبيت بس أعرف الساده المتابعين وأوضح الصورة كامله واتمني النظر في صورة الالبوم والنظر في تاريخ نزوله ومعرفة ظهور المؤلف سنة كام وتعرفوا مين سبب وجوده في الساحة الفنيه بالمناسبة ده أنا نادر انور قبل ما تبقي شهرتي أبوالليف ده للعلم فقط لاغير ولكم جزيل الشكر والتقدير والإحترام تحياتي.

نادر أبو الليف: العالم كله عزاني في وفاة أخويا إلا نقابة المهن الموسيقية

الموت يفجع نادر أبو الليف في شقيقه 

من ناحية أخرى، كان قد مرة نادر أبو الليف بأزمة كبيرة في الفترة الماضية وذلك بسبب رحيل شقيقه عادل أنور وخال الشاعر الغنائي أيمن بهجت قمر، وكان قد خرج منتدى أبو الليف لسلوك الموسيقين في عدم تعزيتهم في وفاة شقيقه، فكتب في منشور عبر موقع فيسبوك: معقول العالم كله يعزيني في وفاة أخويا الفنان عادل أنور ونقابة المهن الموسيقية ولا حس ولا خبر.. بشكر كل الشكر السادة الزملاء المسؤولين عن نقابة المهن الموسيقية وعلى رأسهم السيد النقيب الزميل مصطفى كامل وكل السادة الزملاء في مجلس نقابة المهن الموسيقية.