نفسي اخلف 6 أولاد ومعنديش مشكلة اعترف لحد أني بحبه.. أبرز تصريحات دينا الشربيني

فجرت الفنانة المصرية دينا الشربيني، عدة تصريحات خلال لقاءها مساء أمس الجمعة الموافق 16 فبراير مع الإعلامي محمود سعد، ببرنامج sold out.

دينا الشربيني مع محمود سعد

ويرصد تحيا مصر، أبرز  تصريحات دينا الشربيني التي تحدثت فيها عن والدها الرحل والزواج وغيرها من الأمور خلال السطور التالية:

دينا الشربيني تثير الجدل بتصريحاتها

نفسي يبقى عندي 6 أولاد وأنا لسه صغيرة جدًا

الجواز حقيقي نصيب مش جواز وخلاص علشان لازم نتجوز

الجواز حد تعيش معاه للأبد وتعمل معاه عيلة وأولاد

لازم أبقى متأكدة مليون في المية

أنا متسرعة لدرجة إني ممكن أحب واحد وأقوله بحبه إيه المشكلة

والحب ده أحلى حاجة وحلو أوي

ومقصدش حب شخص بس الحب في العموم

كنت بحلم إني ورقة وبقع من آخر دور في العمارة وسألت دكتور نفسي

وقال لي إن ده خوف من اللي جاي

وأنا فعلا شخصية بتخاف من المستقبل

كنت متوقعة إني أفقد أهلي وكل ما أفكر في الموضوع ده أنهار

وأهلي بالنسبة لي حاجة كبيرة

بابا كان بيقرأ كل أدواري وبيقول لي رأيه فيها

وكان بياخد المواضيع بسهولة على عكسي إنسانة عصبية ومتوترة

وبحس إني ظالمة والدتي لأني بتكلم عن بابا كتير بس لأنه كان بيدلعني دايما

هذا وقالت الفنانة دينا الشربيني خلال حلولها ضيفة على برنامج “كلام نواعم: أنا بحب إحساس الحب جدًا، ودايمًا بقول إن الحب مش معناه حب بين واحد وواحدة أو واحد ومراته، الحب عمومًا بين الناس والأهل والصحاب، فكرة الحب بحبها، وبحب الشغل أوي ولكن لازم يكون فيه توازن، وأنا الحمد لله عايشة حالة التوازن دي.

رمضان 2024.. تأجيل فوازير دينا الشربيني لهذا السبب

دينا الشربيني تفوز بجائزة أفضل ممثلة فى أفريقيا

وأضافت: حلو التركيز في الشغل ولكن لما بيبقى فيه حد حلو في الحياة بيحب وبيشجع على الأحسن، لأن الشغل جزء من الشخصية، أكيد ده بيساعد في الحياة.

وتابعت: أنا بموت في المسرح، وعندي مسرحية قريب إن شاء الله، والمسرح فيه أدرينالين ورهبة والجمهور كان فظيع، وحسيت أن الناس بتحبني قدامي، وبعد ما عملت مسرح قُلت يا بخت المغنين علشان بيشوفوا رد الفعل ده على طول.

دينا الشربيني تتألق في كامل العدد 

جدير بالذكر أنه شاركت دينا الشربيني في السباق الرمضاني المنصرم بمسلسل كامل العدد، بطولتها إلى جانب شريف سلامة،  إسعاد يونس كظهور خاص، تميم عبده، مصطفي درويش، أيه سماحه، جيهان الشماشرجي، أحمد جمال سعيد، سمر علام، عمرو جمال، ولاول مره الراقصة بدره، وهو من تأليف يسر طاهر ورنا أبو الريش، وإخراج خالد الحلفاوي.

وتدور أحداث مسلسل كامل العدد في إطار اجتماعي لايت كوميدي، حول قصة حب تجمع بين دينا الشربيني التي تجسد دور امرأة مطلقة وشريف سلامة، ولكن في بداية تعارفهما سيكون بينهما خلاف، ولكن سرعان ما تتحول هذه العلاقة إلى حب.