خاص| هاني البحيري: إلهام شاهين دعمتني في بداياتي.. وبشتغل مع يسرا في مسرحية جديدة
ADVERTISEMENT
تحدث مصمم الأزياء المصري العالمي هاني البحيري عن تفاصيل أخر تصميماته، وذلك خلال لقاء له لموقع تحيا مصر.
أخر تصميمات هاني البحيري
وقال هاني البحيري: احنا كان عندنا اتنين عروض أزياء كبار جدا، كانت مجموعة بريكس العالمية، كانت في أسبوع موسكو للموضة الشهر 12، ثم أسبوع باريس للموضة، والاتنين من أكبر الأسابيع للموضة في العالم، وبالنسبالي كانت تجربة موسكو قوية جدا أنك تعمل عرض أزياء مع 65 دولة مشاركة من أنحاء العالم، وكان هدف مجموعة بريكس العالمية أنك تشترك بتصميماتك وتقابل مصدرين ومنتجين ملابس، منتجين تصنيع أقمشة، وإكسسوارات بالعملة المحلية.
وتابع: ودي بالنسبالي كانت حاجة رائعة أني أشوف ناس من الهند وتركيا ومن كل أنحاء العالم دا كان مهم جدا بالنسبالي، ثم كان أسبوع الموضة الفرنسي اللي بيعد أهم أسبوع موضة في العالم، وأنا الحمد لله مشارك في اورينتال فاشون شو ودا للمرة 21 على مدار 17 سنة.
هاني البحيري: إلهام شاهين حبيبتي.. وشغال مع يسرا على حاجة كبيرة
وبسؤال هاني البحيري عن أكثر فستان مكلفة قام بتصميمه، قال: حكاية التكلفة دي حسب الزبون وحسب الشغل وحسب الخامات، وخد منك مجهود اد ايه، والمجهود أهم من التكلفة ممكن يبقى فستان ميتكلفش أوي خامات بس يبقى مجهود شهور وساعات كتير أوي، وممكن تجيب خامة غالية جدا وتعملها في عدة ساعات.
وعن سر إعجاب الفنانة إلهام شاهين بتصميماته قال: إلهام شاهين دي حبيبتي واحنا أصحاب وعلاقة عمر ومن أول بداياتي خالص عملنا خشب الورد مع الراحل محمود عبد العزيز كانت بتلس فستان كتف وكتف لونه بيج فبقولها بتلبسيش الفستان دا عشان أول ما بشوفك بنسى الكلام، فعمري ما هنسى تشجيع إلهام والله يرحمها مامتها كانت بتشجعني جدا كمان، وبينا علاقة طويلة ممتدة لغاية دلوقتي، وحاليا شغال على مدام يسرا لموسم الرياض، وبعد العيد عندنا حاجة مهمة جدا للمسرحية بتاعتها مع أحمد عز الفنان المحترم، ودا شرف ليا.
هاني البحيري وسر لياقته
وسبق وأن حرص مصمم الأزياء هاني البحيري، الكشف عن سر لياقته البدنية ونظامه الغذائي وذلك خلال لقائه بموقع تحيا مصر على هامش حفل توزيع جوائز وشوشة 2022.
وقال هاني البحيري خلال حواره مع تحيا مصر: بشرب العصير من غير سكر والنسكافيه بلاك وباكل زبادي لايت وبشرب مايه كتير وبنزل الجيم.
جوجل نيوز
تطبيق نبض
