تامر حبيب عن إعادة عرض حب البنات في السينمات: الجمهور كان مالي الكراسي

أشاد السيناريست تامر حبيب بإعادة عرض فيلم حب البنات في السينما المصرية للمرة الثانية بمناسبة عيد الحب 2024، مشيرا إلى الإقبال الجماهيري الهائل لحضور العرض الخاص بالفيلم رغم مرور أعوام كثيرة على طرحه فضلا عن عرضه العديد من المرات على شاشات التليفزيون.

تامر حبيب يشيد بالإقبال الجماهيري في عرض فيلم حب البنات 

وكتب تامر حبيب عبر حسابه الرسمي بموقع تبادل الصور والفيديوهات انستجرام في منشور رصده موقع تحيا مصر: كانوا عاملين عرض لفيلم حب البنات بمناسبة عيد الحب و مشكورين جداً طلبوا مني اروح احضر الفيلم و عملولي لقاء مع الجمهور بعد الفيلم ما خلص… و الجمهور اللي كان مالي كل كراسي القاعة و مافيش كرسي فاضي كانت طبعاً أغلبيتهم العظمي من البنات و يمكن ٩٠٪؜ منهم كانوا اطفال او لسة ماتولدوش لما الفيلم اتعرض اول مرة في ٢٠٠٤… أنا راجع من العرض ده طاير من السعادة و البهجة و حاسس بنشوة لا تضاهيها نشوة… الشباب كانوا بيسمعوا الحوار مع الفيلم و هو شغال، و كانوا بيصفقوا مع ظهور الممثلين كأننا في مسرح… و بيغنوا و يرقصوا مع كل كلمة في كل اغنية في الفيلم… و فاجئوني بتصفيق مدوي بعد الفيلم ما خلص كأنهم كانوا في مسرحية لعادل امام.

تامر حبيب وإعادة عرض فيلم حب البنات 

وتابع تامر حبيب حديثه قائلا: مهما وصفت، مش هاقدر اعبر عن شعوري اللي حسيته من اول الفيلم ما بدأ لغاية دلوقتي حالاً… و روح و بهجة و طاقة الشباب و هما بيحاوروني بعد الفيلم كانوا مخليني عايز اسجد شكراً لربنا علي انه انعم. عليا بإحساس ماحستوش من زمان…. أنا كنت قاعد وسط مجموعة من الشباب فاتحين عليا هويس حب و بهجة بجد ماتتوصفش…. شكراً جداً لكل واحدة و واحد خلوني احس بسيل المشاعر ده، و شكراً لصاحبة فكرة عرض الفيلم من اسرة سينما زاوية، و في عيد الحب بعد عشرين سنة من عرضه… و شكراً يا سينما انك عندك كل هذا السحر… و شكراً يا امي علي دعائك ليا ان ربنا يحبب فيا خلقه، و احب اطمنك يا ماما ان ربنا استجابلك من وسع… و الف شكر و حمد ليك يا رب.

تامر حبيب عن مسلسل جولة أخيرة: فخور بصناعه ومخرجته ست بميت راجل

تامر حبيب يشيد بمسلسل جولة أخيرة بطولة أحمد السقا 

من ناحية أخرى، أشاد تامر حبيب بمسلسل جولة أخيرة والذي يخوض بطولته الفنان أحمد السقا وانتهى عرضه في مساء أمس الخميس على منصة أمازون الرقمية، حيث قال: فخور بكل اللي عملوا المسلسل ده و  بالذات لأن فيهم ناس يعزوا عليا معزة الأهل و الأخوات، و فخور بزملاء كتاب دخلوني عوالم جذابة و مختلفة وجريئة و حقيقية، فخور بتمثيل رائع و ممثلين تقال و يفرحوا القلب الحزين، و كل واحد في مكانه جداً، فخور بإنتاج اثري كل لقطة في كل مشهد، فخور بديكور ان و ملابس أشعروني اني في عالم حقيقي مصنوع بقصدية و حرفة.