محمد رمضان لزوجته في عيد الحب: أنتي مفيش غيرك اللي تكوني في بيتي

حرص الفنان محمد رمضان على الاحتفال بعيد الحب، الذي يحل اليوم الأربعاء الموافق 14 فبراير، وذلك من خلال حسابه الرسمي بموقع تبادل الصور والفيديوهات القصيرة إنستجرام.

محمد رمضان يحتفل بعيد الحب 

ونشر رمضان صورة تجمعه بزوجته يرصدها تحيا مصر، والتي ظهرت فيها وهي تقبله، وعلق عليها قائلًا: أنتي مفيش غيرك اللي تكوني في بيتي.. ياللي وأنتي جمبي مش محتاج لدول.

لقاء محمد رمضان مع معتز الدمرداش 

في سياق مختلف، قال محمد رمضان خلال لقاءه مع معتز الدمرداش: «قسم الملابس جزء مهم جدًا في صناعة السينما أو الدراما أو المسرح لا يستهان به، بتعامل مع حفلاتي مثل المسرح فهي عرض ترفيه، الاضاءة بيتم استخدامها بوعي، حسب كل أغنية، فأغنية مافيا لها انترو، والعربية بتطلع بشكل معين، والكشافات اللي بتنور فقط ثم النور الازرق بيفتح براحة، صوت الأوكرة موجود في كل السماعات، صوت خطوات رجلي، فحفلاتي عرض ترفيه».

وتابع: «أنا مش بضع المايك تحت ذراعي وأقول السقفة معانا، أنا مبعملش ده، وهو ده اللي بيميز حفلاتي وبيخليني أغلى مغني في الوطن العربي، فالمغني المصري اللي أجره تحت أجري بياخد 50 في المئة من أجري».

تصريحات محمد رمضان 

وأضاف: «فيه دليل أو شئ بقدمه يستحق ده، مش فكرة أن ده أجري مش عافية وخلاص، حفلتي بتطلب مجهود أخر، والجمهور بيخرج مستمتع وبيخرج عينيه مرتاحة وشاف شئ جميل وجديد مع الأغاني اللي حافظها، الفضل في ده يرجع لربنا وللممثل وخبرتي في المسرح والسينما».

واستطرد، الرحلة أنا مبسوط بيها جدًا بدأت من ضواحي الجيزة والمنطقة اللي أنا اتولدت فيها شكلت جزء كبير في شخصيتي وخيالي، وبيتي أبويا وأمي وإخواتي شكلوا شخصيتي ورؤيتي للمستقبل.

وأوضح: أخويا وأختي خريجين آداب فلسفة، فعايش مع اتنين فلاسفة، والفلسفة هي البحث عن الحقيقة، فالكتب متناثرة حولي، وكنت بحب القراءة جدًا، كنت بتخليني أغوص وأعيش فيها، أخويا كان بيجب كتاب الأيام لطه حسين، وإيمان أختي كانت عاشقة للقراءة.

واستكمل، وأبويا رجل مثقف كان يقرأ الجرائد بشكل يومي، فكل ده شكل جزء كبير في شخصيتي، وحي القصبجي اللي اتولدت فيه كان 8 بيوت في المربع السكني وحوالينا زراعة، كانت منطقة ريفية بنسبة 70% وشعبية 30%.

محمد رمضان يطلق كليب أغنية عربي مع العالميين مساري وفيوتشر

محمد رمضان يكشف حقيقة تجاهل فلسطين في أغنية عربي

واختتم محمد رمضان حديثه قائلًا: كنت بشوف الأهرامات من البيت، قدامي هرم وعظمة وشيء غريب، ومرة قررت وأنا في تانية إعدادي ألمس الهرم أنا شايفه صغير وفي مخيلة طفل أن لو مشيت في نفس الطريق اللي قدامي هوصل للهرم.