ميس حمدان عن الزواج: نعمل عقد متجدد كل 3 سنين

فجرت الفنانة ميس حمدان، عدة تصريحات حول الزواج أثارت جدل واسع بها وأحدثت ضجة عارمة، وذلك خلال أحد اللقاءات التليفزيونية.

ميس حمدان تتحدث عن الزواج

وقالت ميس حمدان في تصريحات يرصدها تحيا مصر: إحنا ممكن نمسك العصاية من النص نتجوز شوية ونتطلق، ونعمل عقد متجدد كل 3 أو 5 سنين مع رضاء الطرفين ويتجدد، هما عايزين يجددوا يجددوا مش عايزين خلاص.

تصريحات ميس حمدان 

وتابعت ميس حمدان: يعني أنا بتكلم من برا مش موجودة في الموضوع، الواحد لما بيكون برا الحكاية بيقول أي كلام.

وسبق وقالت ميس عن الزواج: “أنا مش مضربة، هو نصيب بحت، أنا حبيبة ورومانسية جدًا، ولازم أحب أوي، ومحبتش كتير بس كنت محظوظة أننا عيشت قصص حب لما بتفرج على روميو وجوليت بقول ايه العك دا”.

وتابعت: “أخر قصة حب ليا كانت من 13 سنة، وانتهت بالفشل عشان أنا كنت صغيرة وهو كان صغير، وحصل خلافات، وشعور أني أبقى أم موجود، ومش بيجيلي عرسان، ولازم اللي اتجوزه أحبه ويبقى فيه هات وخد، ولو جالي عريس صالونات ممكن أسمعه وأشوفه”.

ميس حمدان تكشف عن رأيها في عمليات التجميل

وأضافت ميس حمدان: “: عملت بوتكس وفيلر ومش ضد خالص عمليات التجميل إحنا كلنا عيرة في عيرة، وبعديت ده جسم واحدة عاملة فيه تجميل أنا قربت أنقرض”.

واستطردت: “بعمل ايديت على الصور بتاعتي بس مش بغير شكلي أوي، لكن أنا بشوف صور لناس بقعد أضحك، وكل واحد يعمل اللي هو عايزه، وأنا شكلي كدة من وأنا عندي 14 سنة”.

وأوضحت: “أدواري برة مصر كانت حلوة وغلطتين عملتهم في مسيرتي الفنية الصغير، بعد عمر وسلمى رفضت كتير أوي لدرجة إن كان بيجيلي أعمال مكنتش شيفاها أحسن حاجة لكن دي كانت هتعملي علاقات وأنتشر أكتر، وقتها كنت شايفة نفسي فنانة أوي وياما هنا ياما هناك وقطعت حبل العلاقات تمام، وأنا فاشلة في العلاقات ومش شاطرة في السعي خالص”.

قبل شهور من الزواج.. ميرهان حسين تكشف عن سبب فسخ خطوبتها

مي سليم تلاحقها شائعة الزواج بالفنان أحمد الفيشاوي وتعليق مثير منها| القصة الكاملة

واستكملت، اعلان الملابس الداخلية، صعب جدا على فنان إن ميزعلش من الانتقادات، إحنا بشر خاصة أما تكون بتحب شغلك، زعل الناس زعلني وأنا بحب أعجب كل الناس وندمت إني زعلت الناس وأبقى كدبة ان لو حاجة زعلت وعيطت واكتئبت وكلمت المسؤول وقولتله شيل الاعلان أنا زي بنت، انا قليل أما بتهاجم والمسؤول كان طاير بيه”.

وعن هيفاء وهبي قالت: مكنتش حباني ودي حاجة ترجعلها، مكنتش بتديني الدرجات الصح وعايزة تأثر فيها، ولو غارت اكيد، هي أجمل بكتير وأنجح بكتير، ولكن هذا لا يقلل من شأني أنا صغيرة وحلوة ومبدعة”.

واختتمت حديثها قائلة: “هيفاء عندها كاريزما ملكة الاغراء بلا منازع ولازم كل اللي بيغنوا يدعولها لأنها فتحت فرصة للبنات الحلوين إنهم يغنوا وهي أكيد عارفة انها مؤدية”.