أحمد فهمي عن مسلسل بين السطور: مبسوط بردود الفعل

تحدث الفنان أحمد فهمي عن مشاركته في مسلسل بين السطور بشخصية حاتم عز الدين، وذلك عبر حسابه الرسمي بموقع تبادل الصور والفيديوهات القصيرة إنستجرام.

أحمد فهمي يعلق على مشاركته في مسلسل بين السطور 

وكتب أحمد فهمي في منشور يرصده تحيا مصر قائلًا: أحاسيس كتير جاتلي من اأول ما قريت بين السطور ووقعت في غرام شخصية حاتم عز الدين، مش قادر استوعب إن فيه حد بيحب حد للدرجه دي.. قعدت اتكلم كتير مع المخرج وائل فرج اللي بجد استحملني هو والكاتبة نجلاء الحديني استحملوني لأنهم عارفين إني بدافع عن حاتم عز الدين من كتر ما حبيته وعشت معاه رحله طويله مدتها أكتر من سنة.

أحمد فهمي يعرب عن سعادته بردود الفعل على مسلسل بين السطور 

وأضاف، مبسوط من كل ردود الأفعال عن المسلسل وعن زمايلي قدام و وراء الكاميرا.. كلنا تعبنا فيه قوي ولحد دلوقتي ربنا كرمنا قوي قوي.. محدش يحاول يتوقع حاجه.. كل اللي يطلبوا منكوا استمتعوا بالرحله دي زي ماحنا استمتعنا وعشناها.. يارب يعجبكوا للنهاية.

مواعيد عرض مسلسل بين السطور 

وجاءت مواعيد عرض مسلسل بين السطور، يوميًا على قناة MBC في الساعة 5 مساءً، وعلى قناة ON الساعة 8 مساءً، ويشارك في بطولة العمل: صبا مبارك، سلمى أبو ضيف، أحمد فهمي، وعدد آخر من الفنانين، وهو من تأليف مريم نعوم وإخراج وائل فرج.

وتضم قائمة أبطال مسلسل بين السطور، أحمد فهمى، صبا مبارك، محمد علاء، وليد فواز، ناردين فرج، باسل الزارو، علي الطيب، دنيا المصرى وعدد آخر من الفنانين، ومأخوذ من فورمات كورى، معالجة درامية وإشراف على الكتابة نجلاء الحديني، وتطوير ورشة سرد وإخراج وائل فرج.

وكان كتب أحمد فهمي عبر حسابه الرسمي بموقع التواصل الاجتماعي فيسبوك: أكتر من سنه و نص اشتغلنا على المسلسل ده .. و بجد تعبنا عليه في كل التفاصيل .. عايز اشكر كل الأساتذة اللي أتعاملت معاهم في العمل ده من الانتاج للإخراج للممثلين .. شكراً بديع شكراً عمرو إسماعيل شكراً ساره دبوس شكراً وائل فرج شكراً مريم نعوم شكراً نجلاء الحديني .. شكراً محمد علاء شكراً ناردين فرج شكراً عمر شرقي شكراً وليد فواز شكراً من قلبي ‫صبا مبارك‬ شريكتي الشاطره الجدعه الموهوبه .. و أخيراً شكراً mbc يارب يعجبكوا .. قريباً.

مسلسل بين السطور الحلقة 8.. انهيار سلمى أبو ضيف بعد محاولة تحرش محمد علاء بها

مسلسل بين السطور الحلقة 10.. صبا مبارك تقدم استقالته وأحمد فهمي يواجهها بشكه فيها

وقالت الفنانة المتألقة صبا مبارك: مخضوضة من مسلسل بين السطور لأنه عمل صعب وأخد من توازني النفسي شويتين، وهي تجربة جامدة، والشخصية اللي كنت عملاها تعبتني وقعدت بعدها في البيت شهرين متنحة مش عارفة اعمل ايه لغاية ما عرفت افك شوية، وطريقة حكي القصة معقدة شوية بس أنا فخورة بالتجربة دي وبكل عناصرها، والقصة بتتكلم عن إعلامية مشهورة وماضيها يعود عشان يبوظلها الحاضر بتاعها كله وحياتها بيبقى فيها مفترق طرق وبتاخد فيها اختيارات.