خاص| عمر رياض يكشف تفاصيل شخصيته في مسلسل قلع الحجر رمضان 2024

كشف الفنان عمر رياض عن تفاصيل شخصيته في مسلسل قلع الحجر، الذي من المقرر طرحه عبر شاشات التلفزيون المختلفة في شهر رمضان المقبل 2024.

شخصية عمر رياض في مسلسل قلع الحجر

وقال عمر رياض في تصريحات خاصة لموقع تحيا مصر: هو ولد متمرد جدا على أبوه ومستقل بشكل في اندفاع وعصبية تجاه أهله، وبيتسبب في مشاكل كتيرة جدا بين العيلة، وهي شخصية شريرة ومش متزن وأناني جدا، وأنا كنت حابب أعمل شخصية مختلفة عني تماما من ناحية الطبقة ومن ناحية أنها شخصية شريرة جدا.

وتابع: وترشيحي جه من أستاذ حسني صالح، وأستاذ محمد رياض مكانش معانا في أول المسلسل، ولكن لما نجم كبير اعتذر أستاذ حسني كلم محمد رياض وبقى معانا في المسلسل.

وعن النجوم المشاركين في مسلسل قلع الحجر، قال عمر رياض: معانا أستاذة سوسن بدر، ووالدي طبعا أستاذ محمد رياض، أستاذ عبد العزيز مخيون، أستاذ أحمد فهيم، أستاذة سمير عبد العزيز، محمود الجابري، مدحت تيخة، عبد الخالق أحمد، عصام شاهين، سميه ‘مام.

عمر رياض: من صغري بحب الكتابة

وفي وقت سابق، أكد عمر رياض على أنه يحب الكتابة منذ صغره، مشيرًا إلى الخطوات التي ساعدته في كتابة فيلم حجر إيجابي، وذلك خلال لقاء له ببرنامج زووم ونص على شاشة تلفزيون قناة هي.

وقال عمر رياض: أنا من وأنا صغير بحب الكتابة جدًا ولكن الموضوع متطورش معايا لغاية ما في يوم قررت إني أروح أتعلم في ورشة أستاذ أحمد مراد، والورشة دي فادتني جدًا وخلتني في حتة تانية.

وتابع: أنا شخصيتي لما بحب حاجة بدرسها، لأن موهبة من غير دراسة بتتعطل كتير ومبتكونش ماشي في الطريق الصحيح، وبعد كده بدأت أدخل في حاجات أكتر وكتبت فيلم حجر إيجابي، وكمان حاولت أستفيد من أستاذ عمرو محمود ياسين خالي عنده خبرة كبيرة في المجال، وقرأت كتير واتفرجت على أفلام كتير بعين كاتب مش مشاهد.

هاني سرحان يقدم ورشة كتابة سيناريو ضمن فعاليات مهرجان الأقصر للسينما الأفريقية

محمد رمضان مؤدي مش مغني وفلوس المقالب حلوة.. أبرز تصريحات عصام كاريكا

عمر رياض يكشف تفاصيل فيلم حجر إيجابي

وعن فيلم حجر إيجابي قال عمر رياض: حجر إيجابي فيلم كان صعب جدًا، لأن إحنا اتنين شباب لسة متخرجين من الجامعة كان حلمهم يعملوا فيلم يقدروا يبعتوه مهرجان ويحاولوا يكون في منصات تتولاه، فكان الموضوع مش سهل لأن مكنتش بشتغل بـ كرو كامل ومن غير إنتاج.

وتابع: الموضوع كان صعب جدًا وكان هيحتاج وقت كبير علشان يتعرض، ودلوقتي إحنا بنتحرك في الجهتين إننا نعرضه في المهرجانات وفي منصة قريب هتتولى عرض الفيلم، وهنعرض الفيلم عرض خاص في إحدى السينمات الشهر اللي جاي.