وئام مجدي عن دورها في حالة خاصة: كنت أكتر واحدة بتأخر في الميكب عشان ابان أكبر من عز

تحدثت الفنانة وئام مجدي عن تفاصيل مشاركتها في مسلسل حالة خاصة بطولةالنجم طه دسوقي والفنانة غادة عادل بشخصية عبير، وذلك خلال لقاءها مع الإعلامية لميس الحديدي، في برنامجها كلمة أخيرة المذاع عبر قناة On الفضائية.

وئام مجدي تتحدث عن دورها في حالة خاصة 

وقالت وئام مجدي في تصريحات يرصدها تحيا مصر: في مسلسل حالة خاصة كنت أكتر واحدة بتأخر في الميك آب لأن المطلوب كان أن ملامح تبقى حادة وأكون أكبر من عز اللي هو حسن أبو الروس في السن، ومكنش عندي  مشكلة أني أظهر أكبر من سني المهم الدور يبقى مظبوط.

تصريحات وئام مجدي في كلمة أخيرة 

وأضافت، الناس عرفتني من الفيديوهات الكوميدية اللي عملتها مع جدتي، الناس عرفتني من الفيديوهات دي وكان فيه فنانين مش عارفين أني نفس شخصية الفيديوهات وكانوا بيقلولي إحنا عارفينك وبنحبك من الفيديوهات، وأنا ببقى مستغربه وأقولهم أنا كنت بمثل معاكم من سنتين.

واستطردت، كنت ماشية في مول ولقيت الناس بتقول إفيهات من اللي قلتها في شخصية عبير.

وفي برنامج مساء الإمارات، أوضحت وئام مجدي: غادة عادل قلبها طيب أوي زي الأطفال وطه دسوقي نفس الشيء طيب وهادي وبيركز جدا، أنا مكنتش عارفاهم قبل التصوير، وكنت خايفة من غادة عادل جدا لكن مع أول لقاء وكلام بينا فكيت.

وئام مجدي تشيد بالفنانة غادة عادل 

وتابعت وئام مجدي، غادة عادل شخصية سلسلة أنا بخاف أقول لأي فنان تعليق، هي لو قلت لها حاجة بتسمع لي وبتسمع كل الناس ولو في حاجة حلوة بتعملها.

وأضافت، الناس اتفاجئت أن طه دسوقي مش بيعمل حاجة كوميدي وبيقدم تمثيل سلسل والناس حبته، والمخرج عبد العزيز النجار لأول مرة لكن نجح نجاح كبير، وموسيقى الأستاذ هاني شنودة وذكرياتنا معاها، وأننا في الكواليس كنا قريبين من بعض ودا ظهر للجمهور.

فيما قالت خلال لقاءها مع Gossips: ماما بتعيط وبتضايق جدًا لو شافت نقد ليا، ومش بتضايق لما حد يقول كلام وحش على تيتة لأنه بتقول كدا كدا دا مش محترم.. بتقولي أنا ليه بيشتمك أنتي.. أنتي عملتي ايه ؟!.

هذا وقال بطل العمل طه دسوقي عن شخصيته في حالة خاصة: شخصية نديم أبو سريع حققت ردود أفعال أكثر مما كنت متوقع، وأن العمل يحقق ده من الحلقة الأولى كان مفاجأة بالنسبة لي، ومبسوط أن الناس شافت حاجة بشكل مختلف ومعبر عنها بشكل غير تقليدي.

وتابع، الشخص المصاب بالتوحد بيبقى على طبيعته جدًا   على حقيقته لدرجة الشعور أنه طفل بما فيه من براءة الأطفال من خلال الصراحة الشديدة في الإجابات.

وأضاف: أصعب جزئية في شخصية نديم أن الممثل مطلوب منه في أداء الدور التعبير عن أداء معين شعر به في المشهد، وشخصية نديم مش بيعرف يعبر عن إحساسه أو بيستخدم طريقة مختلفة عن الناس العادية في التعبير ومش بيفهم إحساس اللي قدامه، ودي كانت أصعب جزئية إزاي أعبر عن حب أو كره.

غادة عادل قلبها طيب زي الأطفال وطه دسوقي زيها.. أبرز تصريحات وئام مجدي

وئام مجدي: ماما بتعيط لما حد ينتقدني.. ومبحبش الراجل ابن أمه

ومسلسل حالة خاصة، من بطولة طه دسوقى، غادة عادل، أحمد طارق، هاجر السراج، حسن أبو الروس، وئام مجدى، أحمد الأزعر، على السباعى، لينا إيهاب، الطفل آدم وهدان، أدهم النحاس وتأليف مهاب طارق وإخراج عبد العزيز النجار وإنتاج طارق الجناينى.