اتقدمت لـ ليلى زاهر في النادي الأهلي.. أبرز تصريحات هشام جمال

حل الفنات هشام جمال والفنانة ليلى زاهر ضيوف على برنامج صاحبة السعادة الذي تقدمه الإعلامية إسعاد يونس على قناة dmc، وذلك في أول لقاء تليفزيوني لهما بعد إعلان ارتباطهم والذي تحدثا فيه وخاصة هشام جمال عن بداية قصة حبهم للجمهور والمتابعين.

هشام جمال: ليلى زاهر كانت حطاني في الفريند زون 

تحدث هشام جمال عن طبيعة علاقة بالفنانة ليلى زاهر، حيث قال في تصريحات رصدها موقع تحيا مصر بإنها دائما ما كانت تتعامل معه على أنه أخيها ليس إلا، موضحا: "كانت حطاني في خانة الفريندزون لكم انا طول الوقت كنت شايفها زميلتي اللي مسؤولة مني واللي باباها موصيني عليها خاصة اني أعلى خبرة منها ففاهم عنها كتير، فكانت بالنسبالي الطفلة الصغيرة".

وأشار هشام جمال في تصريحاته مازحا: ليلى زاهر أنا اللي مربيها على ايدي ملهاش اي تجارب سابقة ولا ليها ماضي.

هشام جمال: بدأت قصة حبي أنا وليلى زاهر في تصوير كليب كلمة أخيرة 

وعن بداية قصة حبهم قال هشام جمال: بدأت قصة حبي أنا وليلى زاهر واحنا بنصور كليب كلمة أخيرة لما سافرنا لبنان، ليلى كانت مع أهلها وانا مع أهلي وكنا بنخرج خروجات أسرية والأسرتين اتعرفوا على بعض وحصل مواقف كتير من اللي بتبين المعدن، أنا لقيت في ليلى وقتها كل اللي ممكن أتمناه، محترمة ورقيقة وطيبة وجدعة كل المواصفات موجودة فيها فبدأت احس وقتها أنه فيه حاجة، وفي يوم نزلنا قعدنا ولمحتلها اني بحبها وفضلنا نتكلم شوية بدون اي مشاعر لحد ما نتأكد أنه إحساسنا صح وناخد الخطوة واتقدملها.

هشام جمال: اتقدمت لليلى أحمد زاهر في النادي الاهلي

وتابع هشام جمال حديثه، كاشفا عن طريقة الاعتراف للفنان أحمد زاهر بحبه لابنته ليلى زاهر، حيث قال: أنا اتقدمت ليها في النادي الأهلي كنا انا وأحمد قاعدين في النادي ورايحين عزاء سوا فقولنا ناكل قبل ما نروح العزاء وفي وسط الكلام قولتله "هنعمل اي في موضوع ليلى"، لقيته اتخض بيقولي موضوع اي فحكتله على كل حاجة وأول حاجة سألهالي هو الموضوع ده من امتى، أنا فضلت أقوله حاجات كتير تطمنه على بنته لأنه بيحب بناته أوي.

هشام جمال: ليلى زاهر أنا واخدها مربيها على ايدي ملهاش ماضي

بعد ارتباطهما.. هشام جمال وليلى زاهر يطرحان أغنية أمور بسيطة

وأشاد هشام جمال بتربية أحمد زاهر لبناته، قائلا: أحمد زاهر بيحب بناته اوي وخايف عليهم عشان كدة هو مش متخيل أنهم يتجوزوا هو مربي عياله بطريقة محترمة وبيخاف عليهم وواخد باله منهم وقافلة عليهم بطريقة معتدلة فبناته طالعين محترمين، والطلب الوحيد اللي طلبه أما اتقدمت لليلى هو إني اخلي بالي منها وربنا يقدرني وأكون عند حسن ظنه.