معد برنامج نزارالفارس: توسطت للصلح بين حورية فرغلي و نزار الفارس

كشف معد برنامج الإعلامي العراقي نزار الفارس عن تفاصيل صلح الأخير مع الفنانة حورية فرغلي، بعدما أثار الجدل حول خطوبتهما بعد حلقة جمعتهما.

معد برنامج نزار الفارس يكشف تفاصيل صلحه مع حورية فرغلي 

وكتب معد برنامج نزار الفارس عبر حسابه الرسمي بموقع التواصل الاجتماعي فيسبوك: بفضل الله توسطت للصلح بين الفنانة الرقيقة حورية فرغلي والزميل العزيز نزار الفارس وتم لالصلح في منزلها وعفا الله عما سلف.

وأضاف، نزار قدملها الورد والمصحف الشريف كنوع من الاعتذار عن أي إساءة تعرضت لها، و بسبب ظروفي الصحية وإجراء عملية في عيني مقدرتش أكون موجود.. ربنا يوفقها في حياتها ويكتبلنا كلنا الخير.

تصريحات حورية فرغلي 

في سياق مختلف، قالت حورية فرغلي في برنامج In deep: طفولتي كانت صعبة، بابا وماما انفصلوا وأنا عندي 48 ساعة، أكتر حاجة عايزة أنساها هي طفولتي، لأني أتحرمت من الطفولة والمراهقة.

وأضافت حورية فرغلي، الدادة بتاعتي كانت أحن واحدة عليّ، كانت فلبينية وقعدت معايا لحد ما بقى عندها 73 سنة وماتت، كنت بقولها ياتيتا، زوج ماما كان حنين عليّ، وزوجة بابا ماتت في غارة من غارات العراق، ورأسها طارت قدام عيالها ماتت موتة صعبة.

واستطردت حورية فرغلي، بسبب حجم الإذاء وأزمة الطفولة، أنا قعدت لـ 8 سنين مبتكلمش، ولا بنطق خالص، الدكتور قال لماما بنتك مبتتكلمش، لأنها محتاجة حب وحنان كتير.

وأوضحت، من أسباب نجاح ساحرة الجنوب أني بحب المقابر، ومبخافش منها، وأدفنت مرة، ومرضتش يجيبوا واحدة بدالي تعمل المشهد أنا اللي عملته.. أتدفنت في مقابر العياط، وهناك في شجرة كبيرة، الساعة 3 الفجر، الدنيا كانت حر ورطوبة بطريقة صعبة.

نزول حورية فرغلي القبر

وأضافت: أول ما حفروا الحفرة وحطوني تحت كان الجو تلج، كأنها تلاجة موتى، أطلع فوق حر موت، لكن مخوفتش ومحستش بحاجة، لاني كنت عارفة أنه تمثيل، أنا مبخافش من الموت، ومستعدة له، نفسي يجي بصراحة، لأن الدنيا بقا دمها تقيل، الناس أتغيرت وأخلاقها أتغيرت، مبقوش يخافوا وبقا في عنف، ومفيش أصول.

وانتقدتها سارة نخلة خلال برنامجها فيس أوف على شاشة قناة هي قائلة: في بعض التصريحات مينفعش ي جماعة اننا نقولها عن عبث بدون سيرش أو نسأل، مينفعش نجمة بحجم حورية فرغلي تطلع تقولك أنا منعوني من التبني، لو جينا للدين إحنا حرام نتبنى، في حاجة اسمها كفالة اليتيم، في دولة بتشتغل كل سنة على مشاريع جديدة وتسهيلات كتيرة جدا علشان نقدر نكفل اليتامى والأطفال اللي محتاجة رعاية.

نزار الفارس يثير الجدل من جديد حول علاقته بحورية فرغلي.. أهداها وردة ومصحف بمناسبة عيد الحب

بعدما أهداها وردة بمناسبة عيد الحب.. حقيقة وجود علاقة عاطفية تجمع نزار الفارس وحورية فرغلي

وتابعت، القوانين اللي بتتعمل أو التسهيلات دي الهدف منها تقليل عدد المؤسسات أو دور الرعاية، وزيادة عدد الأطفال المكفولين، إحنا كدولة بنشوف مشروعات من وزارة التضامن الاجتماعي بتوفر وتسهل لينا الكفالة فمينفعش أطلع أقول مسمحوش ليا لأن في شروط للكافلة ممكن يكون حضرتك مستوفتيش الشروط كلها، الكلام واضح ومش محتاج ترجمة مش هصحي الصبح أقول عايزة أكفل طفل ف هيحصل.