إنجي وجدان تساند تارا عماد في جنازة والدتها

حرصت الفنانة إنجي وجدان على مساندة النجمة تارا عماد في جنازة والدتها بمسجد الشرطة بمنطقة الشيخ زايد، حيث أنها رحلت عن عالمنا أمس السبت الموافق 3 فبراير.

إنجي وجدان تدعم فلسطين 

من جانبه، قالت إنجي وجدان عن فلسطين في تصريحات يرصدها تحيا مصر: اللي بيحصل ده كتير، ومعظمنا مش بيحب يتكلم في السياسة ويتدخل في أي حوارات، بس كدة كتير الأطفال اللي عمالة تموت وضرب مستشفيات وضرب كل حاجة، هي حرب ما بين سياسات، يحاربوا هما بعض، بيدخلوا الأطفال والبني آدمين ليه، كلنا قاعدين مش عارفين نعمل إيه.. وأنا مش عارفة أعمل إيه وغيري كتير.. ومعرفش طالعة بعمل الفيديو ده ليه.

وتابعت، اللي أقدر أقوله إن ده حرام والله اللي بيحصل ده، حرام وربنا كبير وشايف كل حاجة، ولو متعاقبتوش دلوقتي هتتعاقبوا بعدين وكل واحد بيدعم اللي بيحصل ده ربنا هيحاسبكم.

سبب ابتعاد إنجي وجدان عن السوشيال ميديا 

وعن ابتعادها عن السوشيال ميديا قالت: أنا آسفة لكن أنا مضطرة أبعد عن السوشيال ميديا شوية محتاجة بريك اللى محتاجني ضرورى ممكن يبعتلى إيميل. 

وأضافت، السوشيال ميديا بقيت عنيفة، خلت أي حد يبقى ليه صوت.. دلوقتي أنتي متاحة في أي وقت لكل الناس، زمان كنت بتضايق وممكن أقعد أعيط، وأقول مش همثل تاني وكدا إنما دلوقتي لأ.. والستات أكتر ناس بتكسر بعض وبتحب الأذى لبعض، تلاقي اللي داخلين يشتموني ستات ليه".

معاناة إنجي وجدان مع زيادة الوزن

وعن معاناتها مع زيادة الوزن: مامي قررت تعقدني في حياتي بسبب التخن وفضلت تضغط عليا ودخلت في دوامة أن ثقتي بنفسي تتهز.. هي مش شيفاني حلوة زي ما أنا.

وتابعت، محببتنيش في نفسي فبدأ يبقى ضغط عليا، هي صاحبتي جدًا ولحد النهاردة بتقولي هتخسي أمتى، الضغط الكتير على أطفالكم في الحتة دي بتأثر سلبيا عليهم.

وشاركت إنجي وجدان في فيلم بلموندو ويشاركهما البطولة كل من هاجر أحمد، محمود حافظ، سماء إبراهيم، محمد محمود، مصطفى أبو سريع، فيلم بلموندو من تأليف حازم ويفي ومحمد ويفي، وإخراج ياسر سامي. 

انجي وجدان: متدخلوش الاطفال في الحرب بينكم حرام اللي بيحصل ده

محتاجة بريك.. إنجي وجدان تبتعد عن السوشيال ميديا لهذا السبب

وتدور أحداث فيلم بلموندو في إطار اجتماعي ممزوج بالكوميديا، ويناقش المشاكل التي يتعرض لها الشباب بعد زواجهم وتمنيهم أن يعودوا مجددًا للعزوبية لما بقى من حياة مليئة بالحرية ولا يوجد بها مسئولية ولا ضغوط..