اترفض من كل المنتجين ومكنتش متوقعه يتصنف للكبار فقط.. أبرز تصريحات منى زكي عن فيلم رحلة 404

فجرت النجمة المصرية منى زكي، عدة تصريحات خلال لقائها مع الإعلامي عمرو أديب ببرنامجه الذي يحمل اسم الحكاية، وذلك عن فيلم الجديد بعنوان رحلة 404.

منى زكي في ضيافة الحكاية

وقالت منى زكي في تصريحات يرصدها تحيا مصر: هاني خليفة جابلي الورق في 2011 وكل ما نقرر نعمله المنتجين كانوا بيقولوا ده مش فيلم جماهيري، ومش هيعجب الناس، فنعمل مشاريع تانية ونرجع تاني ندور على منتجين، وتقريبا لفينا على كل المنتجين، والرد كان إنه مش هيعجب الناس، وفي الآخر محمد حفظي هو اللي تحمس للفيلم عشان يطلع.

تصريحات منى زكي عن فيلم رحلة 404

وتابعت، الفيلم متصنف للكبار فقط ومكنتش متخيلة إنه هيتصنف +18 يعني قولت ممكن 16+،  ومن أول يوم وأنا حباه ومش شايفة إنه فيه حاجة وحشة، بالعكس حابة الفلسفة اللي وراه، وبعد ما صورنا شوية من الفيلم بدأت أفهم إزاي الناس ممكن تطلعك على المسرح فقلقت شوية.

وأضافت منى زكي، بس أكتر حاجة طمنتني هو وجود أستاذ هاني خليفة، وعمرك ما هيجيلك إحساس إنك تقرف من شخصية غادة، ولازم نفهم إن إحنا مش ربنا، وكل البني أدمين بتغلط وليهم أخطاء حسب نسبة الخطأ.

أبطال فيلم رحلة 404

فيلم رحلة 404 من بطولة منى زكي، محمد فراج، محمد ممدوح، خالد الصاوي، شيرين رضا، عارفة عبد الرسول، وغيرهم، والعمل من تأليف محمد رجاء، إنتاج محمد حفظي، وشاهيناز العقاد، وإخراج هاني خليفة

تدور قصة فيلم رحلة 404 في إطار درامي تشويقي، حول سيدة لها ماضي سيء تقرر طلب الغفران من الله والذهاب للحج، ولكن تواجهها العديد من العقبات.

هذا وقالت منى زكي خلال لقائها مع الفنانة والإعلامية إسعاد يونس، في برنامج صاحبة السعادة عن فيلم رحلة 404: أول ما الورق جالي كنت كل ما أقرأ السيناريو مخي يفكر كتير، والكلام ده كان في 2013.

وتابعت، في الوقت اللى جالى فيه الورق حملت في ابني الوسطاني، وحملت قبلها كذا مرة والبيبي كان بيسقط، فكنت متخيلة إن دي حاجة معطلاني وفي الآخر مش هتكمل، ولكن الحمد لله كملت على خير.

اطلالة منى زكي في افتتاح فيلم رحلة 404 في السعودية| صور

كم وصلت إيرادات فيلم رحلة 404 لمنى زكي حتى الآن ؟

وأضافت، كنا طول الوقت بندور على شركة إنتاج، وكل منتج يقرا الورق يقول حلو جدا.. لكن مش هقدر أنتجه، لأنه ممكن يكون مش قريب للناس، وهي فعلا حدوتة مختلفة، لكن وراها فلسفة ممكن تبقى قريبة من أي حد، وقعدنا سنين كده، كنا بنزهق ونقول خلاص مش عايزين وبعدين نقول ده حلو وإزاي منتمسكش بيه.