منال الصيفي عن زوجها أشرف مصيلحي: كنت بحس جنبه اني طفلة وكبرت أما مشي

تحدثت المخرجة منال الصيفي لأول مرة عن زوجها الفنان الراحل أشرف مصيلحي بعد وفاته في يوم 17 من شهر سبتمبر المنقضي، وذلك خلال حلولها ضيفة على برنامج قعدة ستات والذي تقدمه الإعلامية مروة صبري على قناة القاهرة اليوم.

منال الصيفي تتحدث عن أشرف مصيلحي بكلمات مؤثرة 

وقالت منال الصيفي في تصريحات تليفزيونية رصدها موقع تحيا مصر متحدثة عن زوجها أشرف مصيلحي: مقاليش بحبك الا قبل ما يعرف أنه تعبان بحوالي سنتين وكنت مستغربة ده، هو مبيعرفش يقول بحبك بس بيعرف يثبت ده بشكل عملي، واكيد قال في أول الجواز خالص بس الدنيا خدتنا.

وتابعت منال الصيفي حديثها، قائلة: أشرف كان ابن موت يمكن عشان كدة مشي بسرعة، كان حنين وطيب وأصيل، حبه ليا كان زي حب ابويا كان محتوينا كلنا كنت بحس اني طفلة وحسيت اني كبرت لما مشي.

وفاة أشرف مصيلحي

وكان قد رحل أشرف مصيلحي عن عالمنا في شهر سبتمبر المنقضي وذلك بعد صراع طويل مع المرض حيث ساءت حالته في آخر أيام بشكل كبير، جعلت زوجته تستغيث بأطقم طبية وسيارات إسعاف لإنقاذه وبدأ الأطباء يتابعون حالته في المنزل، ولكن أشارت زوجته أنه في اخر أيامه وان علاجه أصبح ميؤس منه، وقالت منال الصيفي في تصريحات تليفزيونية سابقة، كاشفة عن تفاصيل حالته الصحية: مش بياكل ولا بيشرب، وحالته الصحية غير مستقرة، ويعيش حاليًا على الأجهزة فقط.

كان نفسه علي أوي.. أرملة أشرف مصيلحي تكشف عن اللحظات الأخيرة في حياته

ابنة أشرف مصيلحي تتذكر والدها بكلمات مؤثرة: عقلي عاجز عن استيعاب فراقه

نجل أشرف مصيلحي عن والده 

وكان نجل اشرف مصيلحي ودعه بكلمات مؤثرة، قائلة: أطيب وأجدع وأحن أب في الدنيا، وكان نفسي تكون موجود وشايف حب الناس وروحك الحلوة الموجودة في كل حد فينا وتشوف الناس كلها بتقول عليك إيه من أصغر واحد لحد أكبر واحد، وأنا فعلًا مش فاكر ولو مرة واحدة أنت عملت حاجة ضايقتني أو حتى شدينا مع بعض زي أي أب وابنه، وده عشان إحنا كنا صحاب وكنت بتفهمني وعارف دماغي، وأنا عارف أنك دلوقتي مرتاح أكتر بكتير وأكيد مبسوط وأنت شايفنا كلنا متجمعين، وحاسس أكيد بكل المحبة اللي كانوا موجودين اليومين دول وهيفضلوا موجودين على طول.