كان نفسه علي أوي.. أرملة أشرف مصيلحي تكشف عن اللحظات الأخيرة في حياته

تحدثت المخرجة منال الصيفي، عن اللحظات الأخيرة في حياة زوجها الفنان أشرف مصيلحي، وذلك خلال تصريحات تليفزيونية يرصدها تحيا مصر.

اللحظات الأخيرة في حياة أشرف مصيلحي

وقالت منال الصيفي: كنت عارفة إننا في الأواخر وكنت أنا وأخوه بندخل كل يوم نقرأ سورة يس جنبه، ويوم وفاته كان شكله تعبان أوي ونفسه علي أوي وكنت بفكر هو حاسس باللي هو فيه؟ مكناش عارفين هو بينام ولا بيصحى ولا بيتكلم، قرأت ياسين وقعدت ادعي ربنا لو أنت راضي عنه ارحمه.

تصريحات منال الصيفي عن زوجها أشرف مصيلحي 

وسبق وتحدث منال الصيفي عن زوجها خلال برنامج كلمة أخيرة قائلة: في آخر أيام التصوير طلبت من أشرف يروح للدكتور وكان معانا ماجد يوسف، وفعلًا راح والدكتور قال له عندك ضغط عصبي وأخد مهدئات لمدة يومين، ولكن معجبنيش كلام الدكتور لحد ما نصحه صديقه أنه يروح لدكتور متخصص.

وتابعت، لما عرف أننا هنروح لدكتور تاني أتعصب جدًا وقتها وتوجهنا له والدكتور طلب أشعة، ولما أتصلت بالدكتور قال لي إحنا شاكين في ورم يا نزيف يا جلطة في المخ، ولما النتيجة ظهرت قال لنا لازم يعمل جراحه عشان في كيس مياه على المخ وده لأني طلبت من الدكتور يخفي الموضوع عن أشرف.

وأضافت، أول صدمة أخدتها كانت لما اكتشفت أنه مصاب بسرطان مخ شرس من الدرجة الرابعة، وعمل جراحة وتعافى شوية، ولما والدته توفيت أتصاب بجلطة أثرت على الكلام والحركة.

واستطردت، أول مرة لاحظنا فيها ده كان وقت تصوير جمال الحريم، لخبط في الكلام وقت التصوير، واتفاجأت أنه مش مجمع ومش عارف يحفظ النص، وبيقولي أنا اسف والله، قولت له معلش هنذاكر سوا وحفظته الدور بصعوبة جدًا وافتكرت أنها مجرد جلطة.

وأوضحت، قررت أخفي مرض أشرف عنه عشان هو كان بيخاف من المرض وجبان في الموضوع ده، وبيخاف علينا جدًا من وقت فيروس كورونا، ولما أتصابت بكورونا أتصاب معي ومكنش خايف على نفسه كان خايف عليا أكتر.

مرض أشرف مصيلحي 

واستكملت، لما عرفت بمرضه أتصدمت ولما الدكاترة قالت لي بدأ العد التنازلي لرحيله بسبب تدهور حالته، ولما سألت دكتور ليه كل الإشاعات دي قال لي عايزين نطمن ممكن تفرق في حياته 8 أشهر، وكنت كل يوم في مرضه اقرأ سورة ياسين وفي لحظات مرضه الاخيرة قولت يارب  كفاية عليه كده تعب أوي.

أرملة أشرف مصيلحي تواسي سلوى محمد علي في عزاء والدتها

ابنة أشرف مصيلحي تتذكر والدها بكلمات مؤثرة: عقلي عاجز عن استيعاب فراقه

واختتمت منال الصيفي حديثها برسالة شكر لزوجها قائلة: شكرًا أنك أكرمتنا وسترتنا وخلتنا مش محتاجين  لحد وأنك كبرت الولاد وربتهم كده وأنا هكمل رسالتك زي ما أنت عايز وشكرًا أنك ماتقلتش علينا بكل التعب ده، مهما عملت عشانه أنا مقدمتش حاجة زي اللي قدمه أبويا  وأمي اللي عاشت معانا عشر سنوات بعد رحيل والدي اللي شاله برضه في وقت مرضه.