عايدة غنيم: من يوم ما انفصلت محدش بعت جنية لابني.. وعلاجه بيتكلف 150 دولار

خرجت الفنانة عايدة غنيم بطلة مسلسل الحاج متولي، في مقطع فيديو على حسابها بتيك توك، لتكشف أنها المسئولة الوحيدة عن تحمل مصاريف نجلها بعد انفصالها عن والده.

عايدة غنيم تهاجم طليقها

وقالت عايدة غنيم في تصريحات يرصدها تحيا مصر: ابني من يوم ما انفصلت قسمًا بالله ما حد بعتله جنيه ولا اترفعت عليه سماعة تليفون، ولا اتقال كل سنة وأنت طيب في عيد ميلاده ولا في أي مناسبة في الحياة، ولا في عيد عيدية ولا جاله فانوس رمضان ولا مصاريف مدرسة، أنا متكفلة بكل حاجة ويعلم ربنا والناس المقربين مني، وأنا متكفلة بكل مصاريف ابني من أكبر حاجة لـ أكبر أصغر حاجة ومصاريف علاجه كلها، اللي أقل دواء فيها بيوصل لـ 150 دولار.

عايدة غنيم تؤكد تولي مسئولية نجلها بمفردها

وتابعت، مفيش حد بيصرف جنيه على ابني ولا حد يعرف حاجة عن ابني هو خف ولا لأ، وأشعاته وتحاليله أنا اللي متكفلة بيها ومتحملة مسئوليته كلها، مفيش حد بيصرف على ابني جنيه ولا قريب ولا غريب، وأنا مش مانعة إن حد يشوف ابني لأني مش هتعب نفسية طفل وعمري ما هحرم ابني من إن حد يشوفه ده إذا كان حد عايز يشوفه، أنا نفسي قولت يا جماعة الولد مالوش علاقة بأي خلافات ومع ذلك ولا أي حد اهتم ولا حد سأل.

وأضافت، محدش بعد كده يجي يقول إحنا بنصرف، مش معنى إني ساكتة أنا مش بتاعة وجع دماغ ولا ليا في المحاكم والقضايا أنا ست في حالي وبربي ابني والحمد لله ربنا بيرزقني برزقه وطول ما ربنا رازقني خلاص الفلوس دي آخر حاجة أفكر فيها، وحقي اتنازلت عنه ولكن حق ابني مش من حقي إني أتنازل عنه، ومش معنى إني مطلبتهوش إني اتنازلت عنه ده محصلش ويشهد ربنا على كل كلمة بقولها وكل الناس القريبين مني عارفين ده.

واختتمت عايدة غنيم حديثها قائلة: ياريت تحترموا صمتي وسكوتي وإني عايشة في حالي وبربي ابني وربنا ما يحوجني ليكم ولا يحوجني لأي حد، متتكلموش من ورايا وتقولوا إحنا بنصرف، ده محصلش وكل حاجة عندي بالمستندات سواء مصاريف وأدوية بالتفاصيل، واللي عنده غير كده أو دفع جنيه لـ ابني يواجهني، أو اللي جابله فانوس رمضان ولا إداله 10 جنيه عيدية يجي يقولي، لو هنهبد كتير في الموضوع ده عليا وعلى أعدائي وحق ابني هاخده وبالقانون وهتبقوا أنتم اللي اضطرتوني لـ ده.

وكانت أعلنت عايدة غنيم انفصالها قائلة: الحمد لله على كل شيء، للناس اللى بتتصل بيا وبتسألنى عن صحة الخبر، بقول لهم إنه خبر صحيح، بالفعل تم الطلاق رسمي من السيناريست أحمد عاشور، بمنتهى الهدوء والاحترام المتبادل.. وربنا يوفق الجميع.

قصة حب بدأت بخناقة وانتهت بخناقة.. طليق أيتن عامر يكشف تفاصيل مثيرة عن الأزمة

أول تعليق من طليق بوسي على انفصالهم: مازلنا أصحاب ومعندناش مشاكل مع بعض

مقتل والدة عايدة غنيم على يد جارهم

وعن مقتل والدتها، أوضحت: من حوالي 10 سنين ابن الجيران كان شارب مخدرات، فقال الست دي بنتها فنانة وأكيد معاها فلوس هي أصلًا بتعتبره زي ابنها وهي طالعة الشقة قالت له حبيبي ممكن تفتح لي الباب ايدي وجعاني، ففتح وزقها لجوا.. دبحها وسرق دهبها.