في عيد ميلاد سعد الصغير.. عمل صادم يتمنى نجم الأغنية الشعبية امتهانه بعد اعتزال الفن

يحتفل الفنان سعد الصغير، اليوم الثلاثاء الموافق 30 يناير، بعيد ميلاده ال 54 حيث أنه من مواليد عام 1970، وفي هذا الصدد يرصد تحيا مصر أمنية نجم الأغنية الشعبية بعد اعتزاله الغناء.

سعد الصغير يكشف عن مهنته في حال اعتزال الفن

قال سعد الصغير خلال برنامج شيخ الحارة والجريئة، أنه يتمنى أن يعمل خادمًا فى المسجد بعد اعتزاله الفن، لافتًا إلى أنه يمتلك جمعية شرعية وعربيات دفن موتى ويدعم حوالي 92 أسرة.

وأضاف سعد  الصغير، هذه التجارة مع الله التي تجعلني أستمر في العمل إلى الآن، وبقول لربنا سامحني.

أزمات سعد الصغير مع زوجاته

هذا وتعرض سعد الصغير لأزمات عديدة مع زوجاته، فقالت  الراقصة برلنتي عامر عنه: مدمرلي حياتي ورجعت له علشان النصيب، هو حنين جدًا بس مشكلته في عصبيته وأي حد ممكن يتعصب وكلنا بنتعصب، والراقصة شمس حذرتني من سعد الصغير بس ممكن تكون غيرانة خاصة إنهم كانوا علي علاقة ببعض لفترة طويلة، انا اللي مسيطرة علي سعد الصغير  وأنا مليش علاقة بمواضيعه القديمة ولا الراقصة شمس وهو مبيعملش حاجة لما يجي يصالحني إلا بوكيه الورد.

وفجرت برلنتي عامر عدة تصريحات في برنامج قعدة ستات قائلة: أكتشفت خيانة سعد، لأننا منزلين ابلكيشن عند بعض وبنشوف كل يوم بشوف بيروح فين، ولقيته في مكان في حدائق الأهرام، وعرفت أنه بيقابل واحدة  معرفة ولكن مش صاحبتي، وقابلتني من 3 سنين قالتلي هخطف منك سعد، ومزهقتش وفضلت وراه، ولما عرفت كلمتها اتصدمت في سعد نفسه ازاي يعمل كدا وهو من 3 سنين كان بيشتم عليها وعملها بلوك".

وتابعت، والناس مش طمعانة في سعد الصغير عشانه هو لا عشان برلنتي أنا، اللي خطفته مش حطاه في دماغها ولكن هي شايفة سعد معاه فلوس بس رغم أنه 53 سنة، ولكن هي طمعانة فيه حتى بعد عيد ميلادي اللي عملهولي، هي عايزة تتشهر وتطلع معاه في كليبات ومكنتش أعرف أن سعد يعمل كدا وينزل مستواه.

زوجة سعد الصغير تهاجمه

وأضافت، متطلقناش رسمي وأنا كتبت على فيس بوك انفصال ولكن هو مأعلنش، ومش راضي يطلقني، وعرفت حاجات صعبة بعد ما أعلنت انفصالنا، سعد الصغير اللي اتشهر بسببي واشتغل كتير بعد ما أتجوزني، ولكن اما اتجوزنا قالي رجعتي سعد الصغير لمجده تاني.

ليرد سعد الصغير: أنا اتأسف لوالدة مراتي برلنتي على موضوع الـ75 ألف جنيه، ونزلت فيديو بكده وانا اتبليت عليهم علشان مراتي مكنتش عايزة تتنازل عن المحضر والمحامي قال لي اعمل كده»، لتعلق برلنتي:« أيوة صح اللى أنت قلته واحنا خلاص رجعنا لبعض».

اطلقت بذنب أبوها وبطالبها برد مبلغ 200 ألف جنية.. أزمات بوسي مع سعد الصغير عرض مستمر

سعد الصغير يعتذر لأم أولاده: مش هعرف ستات عليكي وهبوس جزمتك

وعن شمس أوضح في برنامج العرافة، أنا متجوزتش رقاصات والراقصة شمس متجوزتهاش واللى خلاني اطلع اقول اني اتجوزتها انها كانت بتعيط وأخواتها ضربوني لكن لا فيه ورقة ولا جواز ولا فيه شهود ولا محامي يثبتوا اني اتجوزتها.

وأضاف، أنا لا اتجوزت شمس الراقصة في الحلال ولا في الحرام ولو عندها دليل علي اني اتجوزتها تطلعه، الفيديو اللي اتسرب لي وانا ببوس رجليها قدام الناس يدل علي اني وقعت مع ناس ميعرفوش ربنا، ازاي اتجوز واحدة مصوراني وانا ببوس رجلها.

جدير بالذكر، أنه تألق المطرب سعد الصغير، بأغنية البنت فرسة عبر قناته الرسمية على موقع الفيديوهات الشهير يوتيوب وكل المنصات الإلكترونية، وهي من كلمات مصطفى حدوتة وألحان رائد المصرى وياسر عمران.

ويعد سعد الصغير واحد من نجوم الأغنية الشعبية كما أنه تألق في مجال التمثيل بعدة أعمال مميزة.