مفيدة شيحة تطمئن الجمهور على حالة سهير جودة الصحية: هتحاول تسمعنا صوتها

كشفت الإعلامية مفيدة شيحة، عن تطورات الحالة الصحية للإعلامية سهير جودة، وذلك خلال برنامجها الذي يحمل اسم الستات.

مفيدة شيحة تكشف تطورات سهير جودة الصحية

وقالت مفيدة شيحة في تصريحات يرصدها تحيا مصر: أحب أطمنكم على سهير، هي الحمد لله بقت شوية كويسة، وإن شاء الله قدر المستطاع هنحاول بكره تكلمنا ونسمع صوتها، وده وعد أخدته منها امبارح هتكلمنا لما تقدر، لكن يعني ألف حمد شكر لله ربنا أنعم علينا بنعمة التحسن وإن شاء الله هتكون قريب معانا.

حالة سهير جودة الصحية 

وكانت أوضحت مفيدة شيحة، بطمنكم على زمليتي وصديقتي العزيزة سهير جودة، هي حاليًا بتتعافى من وعكة صحية، لأن الفترة اللي فاتت الضغط كان عامل لها مشاكل كبيرة في معدتها والقولون، وهي واخدة راحة لمدة أسبوع، وعلى وعد أنها تكون معانا في القريب العاجل.

هذا وكتبت سهير جودة عبر حسابها على فيسبوك: بشكر كل الناس اللي دعوا ليّ وافتقدوا وجودي، لأنهم أهم عوامل الشفاء.

تصريحات سهير جودة 

وتابعت، الأصدقاء رزق من عند ربنا، وحب الناس أحلى ثروة، وكنت ببقى في عز الألم ولكن في نفس اللحظة في عز الفرح، لما أشوف مين دعالي، لو فضلت أتكلم عن الناس اللي كانوا بعد رحمة ربنا معايا سبب في الشفاء هقول أسماء ناس كتير جدًا.

وأضافت سهير جودة، بشكر الدكاترة اللي ربنا بعتهم ليّ، الحمد الله على وجودهم في حياتي، أحاطوني بكل الحب والاهتمام والدعاء، إحساس أن حد خايف عليك ده أروع إحساس، ولكن الحاجات اللي نتعلمها من أي محنه ربنا اختبارنا بيها، هي أن قد إيه الروتين العادي ممكن نشتاق إليه والحاجات اللي شايفنها عبئًا يمكن أن تكون نعمة كبيرة في حياتنا.

واستطردت، بلاش مسكنات ولأزم نعرف التشخيص ونروح للدكاترة ونعمل الفحوصات المطلوبة للاطمئنان على صحتنا لأنها أمانة، وأتمنى ننسى فكرة الحزن المؤجل.

مفيدة شيحة تكشف عن تفاصيل أزمة سهير جودة الصحية وآخر تطوراتها

واستكملت سهير جودة حديثها قائلة: بلاش نعتبر نفسنا أقوياء غير لما نعرف تشخيص حالتنا الصحية، وياريت نهون على نفسنا مش طول الوقت تحت ضغط، ومش أي حاجة تزعجنا، حتى لو في ضغط نتيجة الأحداث اللي بنشوفها والناس اللي بنفقدهم، ولكن في الآخر لأزم نقلل التوتر والخوف من بكرة، المفروض ناخد الدنيا بهدوء، وأكيد ربنا مقدر لنا كل حاجة هتحصل، ولكن لما تحصل وأحنا هاديني أحسن متحصل وإحنا حزننا مؤجل.