مفيدة شيحة تكشف عن تفاصيل أزمة سهير جودة الصحية وآخر تطوراتها

كشفت الإعلامية المصرية مفيدة شيحة، عن تفاصيل الحالة الصحية للإعلامية سهير جودة، التي جعلتها تغيب عن برنامج الستات.

تفاصيل أزمة سهير جودة الصحية 

وقالت مفيدة شيحة في تصريحات يرصدها تحيا مصر خلال برنامج الستات: بطمنكم على زمليتي وصديقتي العزيزة سهير جودة، هي حاليًا بتتعافى من وعكة صحية، لأن الفترة اللي فاتت الضغط كان عامل لها مشاكل كبيرة في معدتها والقولون، وهي واخدة راحة لمدة أسبوع، وعلى وعد أنها تكون معانا في القريب العاجل.

تطورات الحالة الصحية الإعلامية سهير جودة 

وتابعت، ولكل محبيها ولكل الناس اللي بيسألوا عليها كل يوم هنطمنكم عليها لحد ما تكون قادرة تعمل لنا اتصال وتحاول تطمنكم بنفسها عليها.

وكانت قالت سهير جودة، بشكر كل الناس اللي دعوا ليّ وافتقدوا وجودي، لأنهم أهم عوامل الشفاء.

سهير جودة تكشف عن تعرضها لأزمة صحية

وتابعت، الأصدقاء رزق من عند ربنا، وحب الناس أحلى ثروة، وكنت ببقى في عز الألم ولكن في نفس اللحظة في عز الفرح، لما أشوف مين دعالي، لو فضلت أتكلم عن الناس اللي كانوا بعد رحمة ربنا معايا سبب في الشفاء هقول أسماء ناس كتير جدًا.

وأضافت سهير جودة، بشكر الدكاترة اللي ربنا بعتهم ليّ، الحمد الله على وجودهم في حياتي، أحاطوني بكل الحب والاهتمام والدعاء، إحساس أن حد خايف عليك ده أروع إحساس، ولكن الحاجات اللي نتعلمها من أي محنه ربنا اختبارنا بيها، هي أن قد إيه الروتين العادي ممكن نشتاق إليه والحاجات اللي شايفنها عبئًا يمكن أن تكون نعمة كبيرة في حياتنا.

واستطردت، بلاش مسكنات ولأزم نعرف التشخيص ونروح للدكاترة ونعمل الفحوصات المطلوبة للاطمئنان على صحتنا لأنها أمانة، وأتمنى ننسى فكرة الحزن المؤجل.

سهير جودة تفاجئ ماجدة زكي بحضور ابنتها حبيبة كمال أبو رية عيد ميلادها

سهير جودة تنصح جمهورها بعد أزمتها الصحية: أتمنى ننسى فكرة الحزن المؤجل

واختتمت سهير جودة حديثها قائلة: بلاش نعتبر نفسنا أقوياء غير لما نعرف تشخيص حالتنا الصحية، وياريت نهون على نفسنا مش طول الوقت تحت ضغط، ومش أي حاجة تزعجنا، حتى لو في ضغط نتيجة الأحداث اللي بنشوفها والناس اللي بنفقدهم، ولكن في الآخر لأزم نقلل التوتر والخوف من بكرة، المفروض ناخد الدنيا بهدوء، وأكيد ربنا مقدر لنا كل حاجة هتحصل، ولكن لما تحصل وأحنا هاديني أحسن متحصل وإحنا حزننا مؤجل.