سهير جودة تنصح جمهورها بعد أزمتها الصحية: أتمنى ننسى فكرة الحزن المؤجل

كشفت الإعلامية سهير جودة عن تفاصيل معاناتها مع المرض بعد تعرضها لأزمة صحية مفاجئة، موجهه رسالة لجمهورها عبر حسابها الرسمي بموقع التواصل الاجتماعي فيسبوك.

تحيا مصر

أزمة سهير جودة الصحية

وقالت سهير جودة: بشكر كل الناس اللي دعوا ليّ وافتقدوا وجودي، لأنهم أهم عوامل الشفاء.

وتابعت، الأصدقاء رزق من عند ربنا، وحب الناس أحلى ثروة، وكنت ببقى في عز الألم ولكن في نفس اللحظة في عز الفرح، لما أشوف مين دعالي، لو فضلت أتكلم عن الناس اللي كانوا بعد رحمة ربنا معايا سبب في الشفاء هقول أسماء ناس كتير جدًا.

تصريحات سهير جودة 

وأضافت سهير جودة، بشكر الدكاترة اللي ربنا بعتهم ليّ، الحمد الله على وجودهم في حياتي، أحاطوني بكل الحب والاهتمام والدعاء، إحساس أن حد خايف عليك ده أروع إحساس، ولكن الحاجات اللي نتعلمها من أي محنه ربنا اختبارنا بيها، هي أن قد إيه الروتين العادي ممكن نشتاق إليه والحاجات اللي شايفنها عبئًا يمكن أن تكون نعمة كبيرة في حياتنا.

اقرأ أيضًا.. 

حنان شومان عن ابتعاد عبلة كامل عن الساحة: عندها حق لأنه مفيش عمل يصلح ليها 

حنان شومان عن رد مصطفى قمر على نقد طارق الشناوي: غباء 

واستطردت، بلاش مسكنات ولأزم نعرف التشخيص ونروح للدكاترة ونعمل الفحوصات المطلوبة للاطمئنان على صحتنا لأنها أمانة، وأتمنى ننسى فكرة الحزن المؤجل.

نصيحة سهير جودة لجمهورها 

واختتمت سهير جودة حديثها قائلة: بلاش نعتبر نفسنا أقوياء غير لما نعرف تشخيص حالتنا الصحية، وياريت نهون على نفسنا مش طول الوقت تحت ضغط، ومش أي حاجة تزعجنا، حتى لو في ضغط نتيجة الأحداث اللي بنشوفها والناس اللي بنفقدهم، ولكن في الآخر لأزم نقلل التوتر والخوف من بكرة، المفروض ناخد الدنيا بهدوء، وأكيد ربنا مقدر لنا كل حاجة هتحصل، ولكن لما تحصل وأحنا هاديني أحسن متحصل وإحنا حزننا مؤجل.

من جانبه، قالت سهير جودة: الموسيقى زي الصلاة، بتدي إحساس بالأمان في الكون، وبتدي الإحساس بالبراح والراحة، ومهرجان الموسيقى العربية فيه مطربين من كل الدول العربية، من مصر في مطربين قدام وجداد، ومطربين عرب كبار.

وتابعت، الأصوات مميزة في المهرجان زي مي فاروق وآيات فاروق ومروة ناجي، هن أصوات محتاجة صناعة، هما نجوم بكل ما تحمله الكلمة من معنى، وهما عندهم كل مهارات النجوم، زي الصوت والحضور اللافت على المسرح، لكن إحنا ناقصنا صناعة النجوم ومحتاجين المهرجان ده أكتر من مرة في السنة، ومحتاجين نسمع هاني شاكر وعاصي الحلاني وراغب علامة وعفاف راضي وعلي الحجار ومدحت صالح أكتر من مرة في الأوبرا.

واستطردت، كل الناس اللي كانوا موجودين في مهرجان الموسيقى واللي مستمر حتى يوم الخميس الجاي حالة من الروعة، أكتر حاجة ممكن تستوقفك الناس، والمسرح بيبقى فيه 2000 واحد، وأغلبهم ناس بتيجي على كرسي أو على عكاز، والجمهور اللي بيحضر المهرجان بيقولوا إن مصر لسه بخير، ذوقها لسة حلو، وإن قوة مصر الناعمة هتفضل  كبيرة ومؤثرة.