بسمة عطا تطلق أحدث أغنياتها متستبسطنيش.. تعرف على كلماتها

طرحت المطربة الشابة بسمة عطا فيديو كليب أغنيتها الجديدة متستبسطنيش، على موقع الفيديوهات العالمي يوتيوب، وجميع المنصات الرقمية، ومحطات الراديو.

تفاصيل أغنية متستبسطنيش

وأغنية متستبسطنيش التي يرصد تفاصيلها موقع تحيا مصر أغنية رومانسية، تراهن فيها بسمة علي نجاحها، مشيرة إلى أن الأغنية مختلفة، ولونًا جديدًا عليها، كما تمنت أن تنال على إعجاب متابعيها، وتلقى إقبالاً كبيرًا من الجمهور.. الأغنية من كلمات محمود علي، وألحان وتوزيع رامي المصري، إخراج أحمد علاء الجندي، ومن توزيع شركة "ديجيتال ساوند".

برنامج بوليفارد المواهب

يذكر أن أغنية متستبسطنيش هي أولى أغاني بسمة عطا، بعد مشاركتها في برنامج بوليفارد المواهب، الذي عرض عبر شبكة قنوات MBC، ضمن فعاليات موسم الرياض، بالتعاون مع الهيئة العامة للترفيه في السعودية.. كما حصلت بسمة، على لقب أفضل مطربة صاعدة، في جوائز الميما، الذي أقيم في مدينة العلمين الجديدة، وشارك في الحفل  مجموعة من نجوم الفن.

إليسا تطرح أغنية جديدة لها بعنوان كلو وهم| تفاصيل

المطربة بسمة عطا: مش هتجوز حد رافض اني اغني وتامر حسني بيدعمني

كلمات أغنية متستبسطنيش

وتقول كلمات متستبسطنيش:

البيه اللي مجنن اهلي ..ومطلع عيني مزهقني
اكمني بحبه يا ناس يعني .. بيغلبني ويتعبني
بقى سايب مصر ب شوارعها ..و ب كل بيوتها وعمايرها
يعني الدنيا بحالها تسيبها .. وحبكت تسكن قلبي
متستبسطنيش .. قولتلك ان انا مبسميش
وهقرفك ومتفكرنيش
ان انا واقعه ودايبه ف دباديبك
متستضعفنيش
بحذرك غلط متشوفنيش
ازعلك ومتعصبنيش
اصل انا ممكن اقلب واسيبك .. انا كدا هتعصب علي فكره
متحسسنيش  ان انا نكره .. ده انا ممكن اسيبك من بكره
وهييجي مكانك الف .. مش وقت ما تفضا تكلمني
وتخش عليا تثبتني .. هتشوف الوش التاني مني
وهتقعد تاني ع الرف
متستبسطنيش
قولتلك ان انا مبسميش
وهقرفك ومتفكرنيش
ان انا واقعه ودايبه ف دباديبك
متستضعفنيش
بحذرك .. غلط متشوفنيش
ازعلك .. ومتعصبنيش
اصل انا ممكن اقلب واسيبك .. فاكر كدا قبل ما توصلي
كنت بتعمل عشاني ال لالي .. وتذوق ف كلام وتقولي
وانا عادي ومش بهتم
لا فوق شكلك علي نياتك .. متشغلش عليا دماغك
دا كفايه بس ان انا ف حياتك
فا يا ريت نهدى ونتلم

المطربة بسما عطا: مش هتجوز حد رافض اني أغني 

وفي وقت سابق، أكدت بسمة عطا على أنها لا تقبل الزواج بشخص يرفض أن تغني، وذلك خلال لقاء لها ببرنامج فري تايم المذاع عبر شاشة تلفزيون قناة هي.

وقالت بسمة عطا: انا مش مرتبطة ومش هتجوز حد رافض إني أغني وأحقق حلمي بس في نفس الوقت الجواز سنة الحياة وأنا لازم أعمل معادلة وأعرف أفصل.