المطربة بسمة عطا: مش هتجوز حد رافض اني اغني وتامر حسني بيدعمني

حلت المطرب بسمة عطا ضيفة على برنامج free time الذي تقدمه الإعلامية يارا أحمد والإعلامية نسمهار الصغير على شاشة قناة هي، وكشفت من خلاله العديد من التصريحات التي نكشفها في التقرير الآتي.

تحيا مصر

المطربة بسما عطا: مش هتجوز حد رافض اني أغني 

كشفت بسما عطا عن حالتها العاطفية خلال البرنامج، فقالت: انا مش مرتبطة ومش هتجوز حد رافض إني أغني وأحقق حلمي بس في نفس الوقت الجواز سنة الحياة وأنا لازم أعمل معادلة وأعرف أفصل.

وتابعت حديثها، مشيرة إلي حبها الشديد لنجم الجيل الفنان تامر حسني، حيث دائما ما يساندها، موضحة: الفنان تامر حسني من الفنانين اللي بحبهم أوي وبعتلي أحضر حفلاته وهو بيدعمني في كل حاجة ومن الشخصيات الجميلة.

بسمة عطا تدعم المرأة بأغنية جديدة 

وأشارت المطربة بسمة عطا إلى أنها تستعد لطرح اغنية جديدة متستبسطنيش .. والاغنية بتتكلم عن البنت القوية اللي بتوجه للراجل ان لو شوفت نفسك عليا انا ممكن اقلبك في اي وقت ! 

وتمنت المطربة بسمه عطا ان الاغنية تعجب متابعينها لان حب الناس ده اهم حاجة وبعتبرهم جيشي لانهم بيدعموني قلبا وقالبا من غير اي مقابل وده سبب اني اخدت جائزة الميما

معلومات عن المطربة بسمة عطا 

وكانت المطربة بسمة عطا شاركت في برنامج "تالنت بوليفارد" ونالت على إعجاب متابعين كثيرين وانتشرت بشكل كبير على مواقع التواصل الاجتماعي.

ومن الأغاني المميزة التي قدمتها بسمة عطية أغنية “أرجعله تاني” وأغنية ”أخر حد” وأغنية ”نحزن قليلًا”.

تفاصيل برنامج free time

وجدير بالذكر أن برنامج "free time" تقدمه الإعلامية نسمهار الصغير  والإعلامية يارا أحمد على شاشة قناة هي يوم الجمعة في الساعة 5 مساء وتستضيف من خلاله عددًا من نجوم الفن وتناقش أهم القضايا المطروحة بين الجمهور.

وكان آخر ضيوف البرنامج البلوجر علاء منصور، والذي تحدث عن علاقة الرجل بالمرأة، فقال: معظم اللي اتجوزوا في اخر عشر سنين في محاكم الاسرة لان بيكونوا متاكدين انهم مش مناسبين لبعض وبردو بيكملوا ويتجوزوا واللي في طبع مش بيغيروا غير لما تحصله صحوة او بلاء من ربنا يفوقه، ماينفعش حد يفرض علي البنت الحجاب علشان يتجوزها شوف المناسبة ليك ولتقاليدك من البداية.

وتابع علاء منصور حديثه، قائلا: الراجل بينجذب للست اللي بتتقل عليه او البخيلة عليه في مشاعرها لان الممنوع مرغوب و الراجل بيحب دايما الحاجة البعيدة عنه، وأغلبية الناس بتعاني من عقد او مشاكل الطفل الداخلي اللي هو عقدة الرفض و عقدة الهجر في العلاقات السابقة وده نتيجته ان ناس كتير بتتأخر في الارتباط وبيرفض الجواز علشان مايصحيش جواه ان ممكن يتساب تاني في اي وقت.