حمو بيكا لـ العسيلي: موضتك اتغيرت ومش سامعلك حاجة في السوق

حرص مؤدي المهرجانات الشعبية حمو بيكا الرد على الفنان محمود العسيلي بعد تصريحه الأخير الذي أشار خلاله انتهاء موضة المهرجانات.

تصريحات حمو بيكا في برنامج ورقة في ملف

وقال حمو بيكا خلال استضافته في برنامج ورقة في ملف الذي يقدمه الإعلامي هيثم بسّام على قناة النهار الذي يرصده موقع تحيا مصر: يبقى هو كمان موضته اتغيرت، لو نزلت دلوقتي الشارع وقولت تعرف حمو بيكا ولا محمود العسيلي هيقول حمو بيكا، هو اتكلم عن عصام صاصا وقال فيه واحد اسمه عصام صاصا طلاما عرفته يبقى سمعته، إحنا بنحترمك واللي يحترم يُحترم.

وأضاف حمو بيكا: مينفعش حد يجبلي سيرتك وأقول موضة قديمة هتنتهي يبقى أنا مش سامعلك أي حاجة في السوق.

حمو بيكا يرد على منتقدي سبوع ابنته: ربنا يديني واغيظ الناس تاني

مشاجرة حمو بيكا.. قرار قضائي عاجل وتحيا مصر يكشف القصة الكاملة

حمو بيكا عن مصطفى كامل: بحبه جدًا وحد محترم وهو اللي واقف جمبنا

أما عن تعامله مع الفنان مصطفى كامل نقيب المهن الموسيقية، أردف حمو بيكا: بحبه جدًا وحد محترم وهو اللي واقف جمبنا وكان نفسنا في ده من زمان وساعدنا وكفاية لو الساعة 3 الفجر أو 5 الفجر وعندي مشكلة واتصلت بيه بيرد عليا وأقوله والاقيه باعتلي مناديب وناس نزلالي بتحللي مشكلة ومتابعنا خطوة بخطوة وربنا يخليه لينا.

وأشار حمو بيكا إلى أنه يستعد لجولة حفلات في أوروبا، ومن المقرر إحيائه حفلات في كل من امستردام وبرشلونة وباريس ومن ثم قطر وتركيا والإمارات وذلك خلال الفترة المقبلة، مضيفًا: اللي سافر برا مننا تلاتة بس أنا وعمر كمال وحسن شاكوش.

حسن شاكوش: معرفش أغاني محمود العسيلي ولا أعرفها

وعلى صعيد أخر، خرجت مطرب المهرجانات الشعبية حسن شاكوش للرد على تصريحات محمود العسيلي الأخيرة، والتي هاجم فيها مطرب شهير متصدر قائمة الأعلى استماعا في الوطن العربي من مطربي المهرجانات، مشيرا إلى أنه لا يعرف أي أغنية من اغاني العسيلي.

وتابع حسن شاكوش خلال لايف نشره عبر حسابه الرسمي بموقع تبادل الصور والفيديوهات انستجرام: يعني أنت عرفت اسم عصام صاصا ومش عارف أغانيه، مينفعش يكون عصام صاصا تريند وأطلع أقول معرفش بيغني إيه، أنا مش حافظ أغاني لـ محمود العسيلي ولا أعرفها لكن مينفعش نبقى في وش بعض نتكلم بأسلوب، وفي الضهر نتكلم بشكل تاني وبطريقة تانية، أنا مبحبش البني آدم اللى كده.