حمو بيكا يرد على منتقدي سبوع ابنته: ربنا يديني واغيظ الناس تاني

حرص مؤدي المهرجانات حمو بيكا الرد على منتقدي سبوع ابنته، بسبب المبالغة في التكاليف، وذلك من خلال لقاء له ببرنامج ورقة في ملف، الذي يقدمه المذيع هيثم بسام، عبر شاشة تلفزيون قناة النهار.

رد حمو بيكا على منتقدي سبوع ابنته

وقال حمو بيكا في تصريحاته التي رصدها موقع تحيا مصر: ربنا يديني واعمل تاني والناس تتغاظ تاني، بس أنا مش بتعمد أضايق حد، وفيه ناس بتعمل أكتر من كده وبقول ربنا يديني وأعملها أكتر وأكتر وربنا بيديني، اللي يبص لعيشة الناس تحرم عليه عيشته.

تصريحات حمو بيكا عن حسن شاكوش وعمر كمال

وفي اللقاء ذاته، تحدث حمو بيكا عن تفاصيل علاقته بحسن شاكوش وعمر كمال حاليًا وإمكانية تعاونهم في عمل غنائي مرة أخرى، فقال حمو بيكا: مش هيبقى فيه حد على الساحة لو مكنتش هتزلزل العالم بحق، أنا بقولهم إحنا لو اجتمعنا في أغنية، مصر مش هتسمع غيرنا تاني، إحنا عملنا أغاني كتير ناجحة ومنها شمس المجرة وصاحبي ده دراعي.

مشاجرة حمو بيكا.. قرار قضائي عاجل وتحيا مصر يكشف القصة الكاملة

حمو بيكا في القسم.. القصة الكاملة لمشاجرة كافيه اكتوبر

وعن خلافاتهم السابقة قال حمو بيكا: ممكن أرد عليهم، بس ردي بيبقى مش قصدي حاجة، وبيزعلوا مني ومبرضاش أرد غير في وقت معين وهما أخواتي وبحبهم.

وأضاف: كنت بعمل أغاني وبنام في الصحراء وكنت بشتغل نجار مسلح والأغاني بتاعتي شغالة وبردو وأنا سواق توكتوك ومسبتش التوكتوك وأنا ببيض محارة وبمشي في الشارع أسمع أغاني بتاعتي في الشارع.

حمو بيكا: هعمل مسرحية مع رامز جلال

كما كشف حمو بيكا أنه لن يكمل في مجال الغناء طوال الـ 10 سنوات المقبلة، فقال: بحلم أكون مرتاح ومستور بس ومش هكمل كل الغنا ده طول الـ 10 سنين جايين ومحتاج اعمل مصلحة عشان أفضل في الحتة اللي أنا فيها.

وأضاف: وشوفت كتير فنانين مش معاهم ومش عاوز أوصل للمرحلة ديه، ويبقى أنا مش هقعد هنا لو وصلت للمرحلة ديه، وهكافح ولسه فيا نفس وهكمل المشوار.

أما عن خوضه مجال التمثيل، أردف حمو بيكا: هعمل مسرحية بإذن الله في شهر مارس الجاي في السعودية، أنا ورامز جلال، ولو دخلت مجال التمثيل هنجح طبعًا، بس اتحط في المكانة والحتة بتاعتي، والناس طالبة مني إني أمثل.