ريهام سعيد بعد تشوه وجهها: محتاجة 200 ألف دولار عشان أرجع تاني ومعييش فلوس

خرجت الإعلامية ريهام سعيد لتواصل الحديث عن عملية التجميل التي تعرضت لها مؤخرا، ونتج عنها تشوه كبير في وجهها، مشيرة إلى أنها ستأخذ حقها من هذا الطبيب بالقانون ومعها العديد من الأشياء التي تدل على جريمته لكنها لن تفضحه أمام الجميع.

ريهام سعيد بعد تشوه وجهها: هاخد حقي بالقانون

وقالت ريهام سعيد في فيديو جديد لها عبر حسابها الرسمي بموقع تبادل الصور والفيديوهات انستجرام ورصده موقع تحيا مصر: حقي هاخده بالقانون وعرفت أنه ليك عمليات كتير فشلت ومحدش عاقبك، فيه حقائق كتير الناس عرفاها ومش هقولها ولسة بيتبعتلي فيديوهات وصور لحد دلوقتي لعمليات فاشلة ليك.. انا مستنداتي وشي اللي مش عارفة هو عامل كدة ليه، شوفتوا عملية التجميل حلوة ازاي، بصوا بقيت حلوة ازاي وشفايفي اللي بقت من هنا لهنا.

ريهام سعيد: بقالي 11 شهر بترجاك تنقذني انت غيرت ملامحي كلها 

وتابعت حديثها، قائلة: انا مش عارفة انت ازاي بتتكلم وازاي بترد، نزل فيديوهات زي مانت عايز واعمل اللي انت عايزه، أنا عشان ست مؤدبة ومحترمة مجبتش سيرتك خاص، انا بقالي 11 شهر بترجاك انك تنقذني وانت معترف أنه فيه حاجة غلط بس كنت بتهون عليا بأن لسه محتاجة وقت، أنا مجبتش سيرتك قولت عملت عملية واتشهوت مقولتش مع مين ولا روحت لمين مع اني لو طلعت قولت اسمك مش هيكون تشهير.

واختتمت: انا 3 مرات خارجة من بيروت بوثيقة أن شكلي مش انا، انت غيرت ملامحي، التليفون مش بيقرأ ال id وفيه امل اني ارجع تاني بس العملية ب 200 الف دولار، انا مقدرش معييش فلوس.

القصة كاملة لتشويه وجه ريهام سعيد على يد طبيب تجميل

ريهام سعيد تهاجم طبيب تجميل: بوظلي وشي.. وكنت زي القمر قبل ما اروحله

ريهام سعيد تعلن تشوه وجهها

وسبق ونشرت ريهام سعيد منشور عبر حسابها الرسمي بموقع انستجرام، قالت فيه: يعني وصل بيك الإجرام أنك تشوهني وتموت ٢ ستات قبلي وتحط صورة لواحدة مختلفة وتقول إنها أنا ؟، ده أنا كنت زي القمر قبل ما أجيلك.. مين دي اللي أنت حاطتها دي ؟ والدتك ؟، أنا هرفع عليك قضية عشان أنت بتأذي ناس كتير أوي أنت تبعد حاجة عن أنك تكون دكتور، أنت وقعت غلط خالص.. أنا بحذر الناس كلها من التعامل معاه بجد عشان بوظ لي وشي وأنا بداري بالمكياج.