مروة ناجي: جوزي بيساعدني في اختيار الأغاني.. وممكن أغني مهرجانات بشرط

كشفت المطربة مروة ناجي عن معايير اختيارها للأغنيات التي تقوم بطرحها، وذلك خلال مؤتمر صحفي تم عقده بمناسبة نجاح أغنيتها الجديدة معلش.

تصريحات مروة ناجي

وقالت مروة ناجي في تصريحاتها التي يرصدها موقع تحيا مصر: أنا الأول كنت بركز أكتر على اللحن بشكل كبير، وعلى الغنا بشكل أساسي، وعلى التوزيع وأنه يكون حاجة كويسة وحاجة ضخمة وحاجة فظيعة، دلوقتي الموضوع بقى بالنسبالي أسهل، والكلام بقى هو بالنسبالي الأهم، ومحمد جوزي بيساعدني في دا أكتر لأنه مش في الوسط ومش بيفكر بشكل موسيقي، هو بيفكر بودن مستمعة، والكلمات هي أهم حاجة في اختياراتي للأغاني.

مروة ناجي: ممكن أغني مهرجانات بشرط

وفي المؤتمر ذاته، كشفت مروة ناجي عن إمكانية غنائها للمهرجانات، فقالت: الموزع بتاع الأغنية بتاعتي الأخيرة معلش هو أصلا بيعمل مهرجانات، بس عامل حاجة في سكتي وشبهي، ومينفعش دلوقتي نتجاهل أن فيه نسبة كبيرة بتغني مهرجانات.

واضافت: ومعنديش مشكلة أغني مهرجانات طول ما الكلمات واللحن محطوطين في إطار أحبه، وبتوع المهرجانات موجودين وبيشتغلوا ومن حقهم يكون معاهم تصاريح، وهما مطلوبين في مصر وبرا مصر.. التمثيل والغنا مش بعاد عن بعض كتير لأن لما بيبقى عندي مسرح بيبقى معاه غنا، والقلق بيبقى هو القلق بس يمكن قلق الحفلة بيبقى أكتر.

مجدي عبد الحليم: محمد رمضان وعدني أشتغل معاه وخلف وعده.. والفن مفيهوش جبر خواطر

صلاح عبد الله: محمد صلاح عملنا صورة رائعة في أوروبا كلها.. وأنا بشجع ليفربول عشانه

أخر أعمال مروة ناجي

ومن الجدير بالذكر أن أخر أعمال مروة ناجي أغنية معلش، التي طرحتها عبر موقع الفيديوهات العالمي يوتيوب، وتقول كلماتها: إحنا اتغيرنا بقينا بندوس على مشاعرنا كان مين قدرنا لما لقونا مرة خسرنا بنشيل في هموم بنبص لقينا فجأة كبرنا يا خسارة عمرنا بيعدي ولقينا زمنا مغفلنا بنلف في ١٠٠ مليون دايرة قاطعين الصوت ومراكب واقفة ومش سايرة وعمرنا بيفوت ونشوف احاسيسنا بقت بايرة بقى فيها جبروت ليه كل ما نيجي يوم نفرح يرعبنا الموت أنا عمري سنين مش فاكرة أنا منه غير كام يوم مكتوب على وشي المادة الخام أنا المظلوم كلمة معلش بقت كبسولة قبل النوم وبنام والحزن اخدته في حضني ياريتني بقوم مش عارفة ليه أنا بعافر في زمن ليه مقلوب وبصبر نفسي كتير وقليل وبقول مكتوب.