رامي رضوان: بنتي واخدة كل الحلو من مامتها.. ومش ممانع دخولها التمثيل

كشف الإعلامي رامي رضوان عن أوجه التشابه بينه وبين ابنته كايلا، مشيرًا إلى أنه لا يمانع دخولها مجال التمثيل ولكن بشرط.

تصريحات رامي رضوان عن ابنته

وقال رامي رضوان خلال لقاء له ببرنامج et بالعربي والذي رصده موقع تحيا مصر: واخدة كل الحلو من مامتها وشوية شبه مني وحلو أوي كدا وفي الطباع واخدة كتير مش مني ومن مامتها بس، هي واخدة كمان من حماتي الله يرحمها ومن إيمي شوية.. أكيد تجربة التمثيل فادتها وواحدة من الفوايد دي اللي أنا سعيد بيها أنه كان عندها الشغف أنه أنا عايزة اطلع أعمل أنا كمان وهي كطفلة كبرت في بيت شافته كله على التلفزيون فبالتالي هي حاسة أن هو دا العادي.

وتابع: معنديش مشكلة تعيد التجربة مرة كمان طالما مع مامتها وخاضت التجربة دي ومبسوطة بيها بالعكس ليه لا، هي مش هتبدأ تسلك طريق التمثيل من دلوقتي لأن دراستها مهمة جدا ومعنديش مشكلة في التمثيل بما لا يتعارض مع دراستها ومع غير مامتها لا، وإيمي وحسن.

رامي رضوان يكشف خططه المهنية القادمة

واضاف متحدثًا عن ابنته كايلا: معمول كنترول عليها في السوشيال ميديا لأنه مجال متعب، هي لسه بنوتة صغيرة ولو كتبت حد كاتب حاجة تضايقها وهتتأثر وأنا مش حابب أنها تتعرض ل دا.

وفي نهاية اللقاء، تحدث رامي رضوان عن الأفكار الجديدة التي يحضر لها الفترة المقبلة، فقال: أنا عندي شوية أفكار غير أفكاري للمحتوى وبسعى أن الفكرة اللي جاية أقدر أحقق بيها أحلامي عشان هتبقى فيها لمحة جديدة أدعي أنها مش موجودة دلوقتي.

رسالة دنيا سمير غانم لزوجها رامي رضوان

وسبق وأن حرصت الفنانة دنيا سمير غانم على تهنئة زوجها الإعلامي رامي رضوان بـ عيد ميلاده والذي يحل اليوم الأحد الموفق 10 من شهر سبتمبر الماضي، موجهة رسالة رومانسية له.

احنا مالنا.. تعليق مفاجئ من أيتن عامر على منشور ياسمين عبد العزيز الأخير

في ذكرى ميلادها.. قصة حب دنيا سمير غانم ورامي رضوان

ونشرت دنيا سمير غانم مجموعة صور رومانسية جمعتها بزوجها رامي رضوان، وعلقت عليها عبر حسابها الرسمي بموقع تبادل الصور والفيديوهات انستجرام: كل سنة وانت طيب يا حبيبي و ربنا يوفقك دايما و يكافئك علي أد تعبك و مجهودك و حبك لشغلك و أهلك و احترامك لكل الناس و احساسك انك دايما عايز كل حاجة تبقي أحسن، و عمري ما هنسي اد ايه وقفت جنبي في أصعب أيام حياتي، ربنا يخليك لينا.