شايفك البيضة الدهب اللي هتفقسله.. ماذا قال شقيق ياسمين عبد العزيز عن أحمد العوضي؟

أعلنت الفنانة ياسمين عبد العزيز انفصالها عن الفنان أحمد العوضي بعد زواج دام 4 سنوات، ولم تكن هذه الزيجة الأولى في حياتها فكانت متزوجة من رجل الأعمال أحمد حلاوة الذي أصبح متزوج حاليًا من الفنانة ريهام حجاج.

وائل عبد العزيز يتعرض على علاقة أحمد العوضي وياسمين عبد العزيز 

وكان أبدى وائل عبدالعزيز، شقيق ياسمين عبدالعزيز، اعتراضه على تقرب أحمد العوضي من شقيقته، خلال منشور يرصده تحيا مصر على فيسبوك، شن خلاله هجومًا لاذعًا عليهما، في منشور يعود تاريخه إلى مارس 2020.

وائل عبد العزيز يهاجم شقيقته ياسمين بسبب أحمد العوضي 

وقال وائل عبد العزيز: بصي يا ياسمين ياعبدالعزيز يا أختى أنا معاكي وفي ضهرك من وانتي صغيرة شيلت مشاكل كتير بسببك من وانتي عيلة صغيرة.. وانتى عارفة إن أنا اتأذيت فيها إزاى وقضية الشغالات مؤخرا غير حكاية الضرب اللى كانت بينك وبين بنت هشام سليم الممثلة اللى لبستيها التورتة في وشها لكن هنهرتل وتروحي تعرفي واحد أصغر منك بـ10 سنين وتتصوري صور ملهاش لازمة على حساب سمعتك وسمعتنا لا، ومحدش هيسمح، من امتى واحنا بنعمل أعياد ميلاد.. من إمتي ‏الناس بتجيب في سيرتنا !؟ ونقعد نتعاكس علي السوشيال ميديا".‏

وائل عبد العزيز يفتح النار على أحمد العوضي 

وأضاف: بالنسبة للأخ الي ماشي وراكي في كل حتة وشايفك البيضة الدهب الي هتفقسله كل يوم أحب ‏أقولك يا راجل لما تيجي تدخل بيت تدخله من بابه يا راجل !! وتقعد مع رجالة البيت !!..دي الأصول وده الاحترام .. وطبعا لأنك ‏عارف إنك مرفوض رفضا باتا فعمرك ما هتعمل ده ومعندكش غير طريق الشمال الي أنت سالكه من سنين مع بنات الناس.

في سياق مختلف، تحدث وائل عبد العزيز عن والده واصفًا صورة: على اليمين النجم الكبير الأستاذ حسن يوسف ربنا يديله الصحه والعافية واللى على الشمال الأستاذ محمد عبد العزيز.. كانوا صحاب ومثلوا مع بعض في الجامعة عديت السنين ومحمد عمل كام دور صغير واتجوز والظروف مكانتش في صالحه مع أنه ممثل شاطر.

وتابع، اختار يبعد عن حلمه عشان يعرف يشتغل ويربي ولاده اللي بقوا 3، وكمل دراسته لحد ما وصل للدراسات العليا والدكتوراة في إدارة الأعمال واشتغل في فندق من أكبر فنادق مصر، واترقي إلى أن وصل رئيس للمخازن والحسابات لهذا الفندق.. قعد طوال حياته يزرع موهبته في عياله وكان بيحب يغني ويمثل ويقف يمثلهم أهم مشاهد عالمية باللغة العربية والعامية".

وأضاف، وفي يوم اكتشف عملية اختلاس كبيرة في الفندق، وقف قدامهم كلهم وأخد خطوات قانونية تجاههم، لكنه كان لوحده مقدرش عليهم، اكتئب وساب الشغل، ولأنه راجل مبيفوتش فرض راح لربنا أكتر وزهد الدنيا بما فيها، وكبر وعدت السنين وفضل محمد بنفس الروح الجميلة الطيبة راضي بأمر الله ومبسوط في حياته.

الموت يفجع الفنان وائل عبد العزيز في خالته| تفاصيل

أول تعليق من شقيق ياسمين عبد العزيز على انفصالها عن أحمد العوضي

واستكمل، الراجل ده أبويا الي بتشرف بيه اللي عمره ما كدب أو مكانش حقاني، اللي علمني أن الحق أحق أن يتبع.. كان بيقولي لو أخر يوم في عمرك قول الحق، ربنا يديك الصحه يا والدي ويخليك ليا.