نهاد أبو القمصان تهاجم مسلسل حالة خاصة: فين نقابة المحامين من اللي بيحصل فيه ده

خرجت المحامية الشهيرة نهاد أبو القمصان لتهاجم أحداث مسلسل حالة خاصة، الذي يعرض في الفترة الحالية على منصة watch it الرقمية ويخوض بطولته الفنان طه دسوقي إلى جانب الفنانة غادة وعادل، وحقق نجاحات كبيرة وردود فعل إيجابية من قبل الجمهور في أولى حلقاته.

نهاد أبو القمصان عن مسلسل حالة خاصة: مكتب المحاماة اللي فيه عايز يتشمع

وقالت نهاد أبو القمصان في فيديو عبر موقع تيك توك ورصده موقع تحيا مصر، متحدثة عن مسلسل حالة خاصة: جميل أن يكون في مسلسل بيتكلم عن وجود شاب عنده حالة خاصة بس المكتب دة عايز يتشمع بكل المحاميين اللي فيه، يعني اولا ازاي نجيب صاحبة القضية ونقعدها مع كل المحاميين ومنهم المحاميين اللي تحت التمرين ونقولها قولي كل أسرارك قدام الكل ونقولها هما دول اللي هيحلولك القضية دة ضد مهنة المحاماة تماما مش في حاجة اسمها خصوصية ازاي اجيب موكل يتكلم عن أسراره قدام شباب لسة بيتعلموا ومتعينوش في المكتب ودة انتهاك شديد لقيم واخلاق مهنة المحاماة.

نهاد أبو قمصان منتقدة مسلسل حالة خاصة: الست عندنا بتتنازل عن اي حاجة في الخلع ومش بنقول اسباب

وتابعت حديثها، قائلة: ثانيا خلع ايه اللي بيعملوله تحقيق، 6 بيحققوا في قضية خلع ويصوروا جوز الست ويقولولها هاتي كشف طبي، الكلام دة ممكن يكون بيطبق في انجلترا اللي فيها اقتسام للثروة فكل واحد بيثبت أن مش هو سبب الطلاق لكن الخلع عندنا الست بتتنازل عن أي حاجة ومش بنقول أسباب اصلا أما التحقيقات دي في الطلاق للضرر.

واضافت في تصريحاتها: مسلسل موضوع عائلي فيه مشكلة من ناحية اخلاقيات المهنة ومن ناحية الموضوعات المطروحة فهاتوا محامي يراجع المسلسل كمان الجناية اللي المتهم ممكن يأخذ فيها اعدام ولسة بنتناقش فيها وحد يديها برشامة فيها الحل قبل ما تترافع وتقولولي دي أكبر محامية في مصر وهي الصبح بتقول للمحاميين انتوا أكبر عقول واكبر محاميين ومش عارفين توصلوا لحل".

نهاد أبو القمصان: مسلسل حالة خاصة لا فيه اخلاق ولا قواعد ولا مهنية 

واستكملت "وصاحبة المكتب قعدة مع ال6 متدربين اللي لسة بتختبرهم مش حتى دول تحت التمرين والست افراد معاهم قضية واحدة، ولا المحامي المتحرش هل في محامي ممكن يتجرأ على استاذته ويتكلم معاها بالطريقة دي، حرام تدمروا ثقافة المجتمع القانونية دة احنا بنقعد سنين نبني الوعي القانوني وكمان موكلة تيجي لمحامية تقولها أنا هربانة من البوليس فتكلم المباحث تسلمها هي فين نقابة المحاميين من الكلام دة.

بعد تألقها بشخصية رام الله.. معلومات عن هاجر السراج بطلة مسلسل حالة خاصة

مسلسل حالة خاصة الحلقة 4.. موعد العرض والمنصات الناقلة

واختتمت نهاد أبو القمصان حديثها عن مسلسل حالة خاصة، قائلة: "أنا اتفرجت على 4 حلقات وقلبي مش جايبني دة مفيش منظومة اخلاق ولا قواعد مهنية ولا قانون".