ذكرى ميلاد انتصار.. نجمة التصريحات الجريئة ورئيسة شعبة مؤيدي القبلات والمايوه

تحتفل الفنانة انتصار، اليوم الإثنين الموافق 8 يناير بعيد ميلادها حيث أنها من مواليد عام 1971، وبالتزامن مع ذكرى ميلادها يرصد تحيا مصر أبرز تصريحاتها الجريئة التي أثارت بها جدل واسع وتصدرت محركات البحث.

تصريحات انتصار في ذكرى ميلادها

• اترفع ضدي قضايا كتير بسبب تصريحاتي

• مش ندمانة على التصريحات اللي قولتها ومش ندمانة على القضايا اللي اترفعت ضدي

• ولما بطلع في التلفزيون ببقى متوقعة أن هيترفع ضدي قضية

• بنتي امتداد ليا لأنها نسخة مني، ولو في راجل أكبر منها بكتير تقدم لها هرفضه.

• والدي حافظ القرآن كله واسمه مكتوب عندنا في البلد على الحيطة وكنت مؤهلة لوفاته.

• محتاجة لراجل في حياتي.. ومينفعش نقول كل الرجالة خاينة فيه منهم محترمين ومتربيين.

موقف انتصار مع معجب

• معجب قالي يا سافلة يا مستبدة عشان متصورتش معاه.. وحبست شخص تطاول عليّ على الواتساب

• أنا بحب الراجل اللي يغير عليّ، لأن الممثلة الكوميدية بتكون جريئة شوية لكن جوزي كان بيعلق على لبسي.

• إحنا متربيين على سينما كلها قُبلات.. وبلبس مايوهات عادي.

رأي انتصار في المايوه

• ماله المايوه موجود وبيتباع في الشارع.. ليه عايزين تاخدوا تصريح على لساني تدِينوا بيه المايوه.

• يعني إيه سينما نظيفة مغسولة يعني.

• أهلي صعايدة من الأقصر لكن اتولدت في إسكندرية ومكانوش راضيين أمثل في البداية لكن بعد كدة وافقوا

• عمري ما كنت ست مرفهة.. بنزل السوق أجيب الطلبات وبمسح وأكنس بيتي بنفسي.

• أول أجر ليّا كان 75 جنيه واديت لأمي منهم 50 وأخدت الباقي.

• مصطلح المرأة المستقلة عبارة عن أفكار مشوهة مفيش حاجة اسمها كدة، المرأة تحتاج للرجل والعكس

• مرة معجب اتصل عليا الساعة 9 ونصف صباحًا.. وكان نجارًا، لما كلمني قال لي إني متكبرة على المعجبين.

• قال لي إنه بيحبني وعايز يطمن عليا من وقت للتاني

• تفاجأت من أسبوع بوجود المكالمة على اليوتيوب.. المكالمة متسجلة وبعنوان ساخن على اليوتيوب

• الرجل بيشفط كل الوقت ومش حكاية تجربة شخصية فقط

• الرجل عاوز في البيت يبقى الابن الكبير بعد ولاده وبالتالي الست بتتفاجيء أن بقى عندها زوج زي ابنها الكبير عاوز اللي يأكله ويشربه ويسمع همومه

• الناس مش متعودة على الصراحة ولما تطلعي تقولي الحقيقة الناس تستغرب ويخافوا يصدقوا ويهاجموا

• وهناك الكثيرين يريدون الصعود على أكتافي والظهور وعمل قصة

• أنا مقلوتش أني بشاهد الأفلام الإباحية أساسا

•وفي حد يبدأ خبر والكل يمشي وراه ومحدش بيجتهد يشوف الخبر الأساسي ويستغرب من هذا الأمر

• وفي ناس كبيرة لم تهتم بمشاهدة مقطع الفيديو والتحقق من الأمر

• أنا مادة مثيرة وواضحة وصريحة وهذا الأمر يجعل كتير من الناس يريدون الصعود على أكتافي والظهور وعمل قصة

• متمشيش قافلة كتافك وزمة على صدرك عشان محدش يشوف صدرك أو حطى الشنطة عليه وخايفة

•  الراجل دائما يمشى منطلق وعلى المرأة أن تمشى هي كمان منطلقة، وربنا خلق المرأة كدة عشان ترضع ودي نعمة

• عادى أن بنتي تتباس هو البوس حرام ولا إيه أكبر نجمات الفن في العالم اللي بيقبضوا بالدولارات بتتباس عادي إشمعنا إحنا يعني

• أنا طول عمري ملكة جمال ولغاية دلوقتي

• الحالة الميؤوس منها هي اللي بتجمل كلمة السنجلة علشان تداري الألم والوجع اللي حصلها من الانفصال

• في رجالة كتير حلوة بس مفيش جواز لأن البنات خرجت تشتغل فالرجالة قعدت على القهاوي

• هيتجوزوا منين ما إنتوا خدتوا مكانهم، فأنا رأيي انسحبوا من سوق العمل وسيبوهم هما يشتغلوا

• البنات ساعات بتلجأ أنها تقول أنا سينجل من باب أنه مجاش حد، فبدؤا يروجوا لفكرة السينجل علشان متقولوش أنها معنسة أو متأخر الجواز

• أو مطلقة ومجاش لها عريس عايز يتجوز تاني دي تقيلة برضو

• وكل ما يبروز أنها غير مرغوب فيها فتقول إنها سينجل مع إنها نفسها تتجوز ويكون لها بيت وأسرة.

• الحياة مش حب وبس الحياة اتنين بيساعدوا بعض وبيحلموا مع بعض وبيفوتوا لبعض وبيحطوا إيديهم في إيد بعض علشان يواجهوا الدنيا

• والمروجين للسنجلة ضدكم وضد كل الستات

• وضحكوا علينا وقالوا لينا اشتغلوا عشان نشتغل فالرجالة تضايق

• وخدنا مكانهم والرجالة بقى عندها بطالة وأنا بقول الكلام ده على مسؤوليتي

• ضحكوا علينا وبقينا سناجل 40 سنة وسينجل؟

• يعني هتعملي إيه هتكمليها سينجل؟، مترضيش بضغوط من أي راجل في الدنيا وخليكي واثقة من نفسك

• مفيش حاجة اسمها كل الرجالة خاينين ووحشين ليه ما الراجل ده أبوكي وأخوكي وابنك اللي مخلفاه من بطنك وابن عمك اللي بيخاف عليكي وبيرعاكي كل دول وحشين؟

• ولا إنتي مركزة بس في العلاقة العاطفية مع الزوج والحبيب؟

•الرجالة اختزلتيهم في دول؟ في حاجة اسمها بعض ونسبة وناخد كل نسبة بحالتها وتربيتها.

• في تسخين وتقوية شوكة ويتقال متسكتيش وعقد نفسية

• وتحس داخلة الموضوع متحفزة بدل ما يكون في صفاء نفس ومتطخيش ومترضعيش ومتديلوش فلوس من بتاعك هو أنا عايشة مع عدوي ما تدبحيه وتخلصي

•البنت يبقى فيها العبر وبتقول ده جري ورايا هو كان يطول

• يطول إيه ده الشرع محلل له 4 هو إيه علشان يطول ضفرك

اقرأ أيضًا.. 

في ذكرى ميلاده.. سبب مفاجئ حول انفصال أشرف زكي عن روجينا في بداية زواجهما

حصاد 2023.. نجوم نجوا من الموت بأعجوبة في حوادث سير