بسمة بوسيل تكشف حقيقة رجوعها لـ تامر حسني

خرجت الفنانة المغربية بسمة بوسيل لترد على أنباء عودتها لنجم الجيل الفنان تامر حسني، وذلك بعدما نشر الأخير صورة تجمعهم وهنأ الجمهور بالعام الجديد.

بسمة بوسيل تنفي رجوعها للفنان تامر حسني 

وكتبت بسمة بوسيل عبر خاصية استوري على حسابها الرسمي بموقع تبادل الصور والفيديوهات القصيرة إنستجرام في تعليق رصده تحيا مصر:  أنا صحيت على أخبار مش صحيحة.. احنا مرجعناش لبعض، هو نزل صورة عائلية عشان يفرح الأولاد عشان مش هيقدر يحضر معاهم رأس السنة.. آسفين على سوء الفهم.

تصريحات بسمة بوسيل 

من جانبه، قالت بسمة بوسيل: أصعب قرار خدته في حياتي هو الطلاق، لأنك بتبني حاجات لمدة سنين وفجأة تكتشف أنها لازم تتهد، وأعتقد أولادنا متفاهمين موضوع الطلاق، لأنهم شايفين العلاقة بينا بقت أحسن، ومش بالضروري إننا معرفناش نكمل كزوجين منبقاش أصدقاء.

بسمة بوسيل تتحدث عن طلاقها من تامر حسني 

وتابعت، عدى عليا سنتين صعاب جدا خسرت نفسي فيهم، والدي مات وبعدين اتطلقت من تامر حسني وكل الحاجات الصعبة جت ورا بعضها، بس ده خلاني شخصية قوية ولقيت نفسي من جديد.

وأضافت، بقعد كتير مع أولادي وباخد رأيهم مش علشان يحلوا معايا المشكلة، ولكن أنا بربي أولادي على البزنس، لأن المدارس مش بتعلمنا اللي الحياة بتعلمه لينا، عمري ما كان فيه مقارنة بين شغلي، وأولادي علشان أختار بينهم، لأنهم أهم حاجة عندي، وأهم إنجاز في  حياتي، لأنهم علموني أفهم كلمة أم، بيخلوك تحس بأحسن وأنضف المشاعر اللي بدون مقابل.

اقرأ أيضًا.. 

خاص| عابد عناني يظهر كضيف شرف بمسلسل الحشاشين في رمضان 2024

عابد عناني: رفضت أعمال كتير مؤخرًا لهذا السبب 

واستطردت، أنا طول الوقت شاغلاهم بحاجات تشغل دماغهم، هي بتبقى متعبة ولكن أحسن من أنهم يضيعوا وقتهم في اللعب، أنا بحس أن المدارس مبتعلمناش اللي الحياة بتعلمه لينا، وأنا بنمي البيزنيس في شخصية ولادي وبقيت أوديهم معايا اجتماعات، وبنتي عندها 10 سنين عملت براند لنفسها واختارت اسم واللوجو وكنت مبسوطة أوي بيها.

واختتمت بسمة بوسيل حديثها قائلة: ولادي علموني حاجات كتير أوي وأولهم أعرف قيمة أمي، وهما أكبر إنجاز عملته في حياتي وهما الحب الحقيقي وأصدقائي، بيحسسوني بأحلى المشاعر اللي في الدنيا بدون مقابل، وهما طول عمرهم أولوية بالنسبة لي ربنا إدالي أحلى حاجة في الدنيا.