كان ممكن يكون أحسن.. إيناس الدغيدي تنتقد مسلسل يسرا الرمضاني

وجهت المخرجة المصرية إيناس الدغيدي انتقادًا لمسلسل صديقتها الفنانة يسرا الأخير الذي يحمل اسم 1000 حمد الله على السلامة وعُرض في الماراثون الرمضاني المنصرم.

إيناس الدغيدي تكشف عن رأيها في مسلسل يسرا الرمضاني 

وقالت المخرجة إيناس الدغيدي في تصريحات نقلها تحيا مصر: أنا بقول دايماً ان العمل في الدراما والسينما عمل جماعي، لكن النجم يتحمل أخطاء الآخرين، ويأخذ نجاح الآخرين لما المسلسل ينجح، وإحنا هنا لا نراعي هذا الأمر.

إيناس الدغيدي تدافع عن يسرا

وتابعت، شايفة إنه تم تحميل الموضوع كله على يسرا، لكن قبلها في سيناريست ومخرج ومنتج، وهي رقم 4 لأنها النجمة.

وأضافت، أنا قلت لها بيني وبينها كان ممكن يكون العمل أحسن لو في كتابة أحسن، لكن بسبب التسرع النتيجة لم تخرج كما يجب.

تصريحات إيناس الدغيدي في حبر سري 

من جانبه، قالت إيناس الدغيدي: الجمهور بيحب يشوف اللي ميقدرش يعمله في الحياة، عشان كدا بيحبوا المشاهد الساخنة، وكل النجوم اللي عملوا أفلام جريئة وفيها المشاهد دي كان عندهم شهرة أكتر من اللي معملوش.

وتابعت، اللي بيتشغل في الفن هو صعب جدا ومش بيحب أولاده يشتغلوا فيه عشان صعوبته وحساسيته وحكم الناس عليك وبتأخذ مواقف ولم أتمنى بنتي تشتغل في الفن.

وأضافت إيناس الدغيدي، الفن مش مهنة سهلة والفن مش حرام واللي بيحاسب عليه ربنا.

اقرأ أيضًا.. 

البلوجر مريم سيف عرض مستمر من إثارة الجدل.. سعر فستانها الأخير يصدم الجميع 

زواج عمرو دياب وعودة شيرين وحسام.. توقعات خبيرة أبراج لنجوم الفن في 2024

وأوضحت، اللي يتكلم عن التلامس والكلام ده في الفن مخ وعقلية، واللي يحرم الفن ويرجع ناس مشوهة فكريا ومش عارفه عايزة ايه وكل واحد بيختار في الحياة بيبقى عايز ايه والناس تختار وتتحدى وتواجه يا متدخلش الفن من الأساس.

جدير بالذكر، أنه دائماً ما تثير المخرجة الكبيرة إيناس الدغيدي الجدل بتصريحاتها الجريئة والتي تكون من خلالها حديث للسوشيال ميديا وتتصدر تريند محرك البحث الشهير جوجل حيث أنها تتحدث عن الأعمال الجريئة وأهميتها في السينما المصرية.