محمد هنيدي: تسببت في فقدان جارتي لحملها.. وعلاء ولي الدين محدش هيملى مكانه

أدلى النجم الكوميدي محمد هنيدي بعدة تصريحات خلال لقائه مع الإعلامي محمود سعد والتي يرصدها تحيا مصر، حيث كشف تفاصيل تسببه في فقدان جارته لجنينها وعلاقته بالراحل علاء ولي الدين.

تصريحات محمد هنيدي 

وقال محمد هنيدي: كان عندي جارة إتجوزت وربنا لم يرزقها بالأولاد لسنوات، وكان أمر محزن للبيت كله، ولما يكون في أي شيء عن الأمومة نلاقيها بتبكي في بيتها، إلى أن أكرمها ربنا وحملت.

وتابع، واحد صاحبي ساكن في شارع وراء شارعنا إداني وش أول ما لبسته أنا خوفت، وجربته أول مرة على أم صاحبي وأنا عارف إنها لوحدها، ونزلت من البيت لابس عباءة والدي السودا، وأول ما فتحت الباب سمعت صرخة وصوت وقعة على الأرض.

محمد هنيدي يتحدث عن المقالب

وأضاف، وأنا مروح بيتنا أختنا اللي ربنا أكرمها وحملت ساكنة في الدور الأول، لبست الوش ودخلت وهي واقفة على الحوض بتغسل وفرحانة، وأول ما قلت يا فلانة سمعت صوت صرخة ووقعة على الأرض، وجريت على بيتنا لميت شنطة هدومي وسافرت عندي خالتي في الإسكندرية لمدة شهر.

واستطرد، في إسكندرية وصلت لنا أخبار إن جارتنا فقدت حملها، وشبرا وإمبابة باتوا في حزن بسببي، وهي ما شاء الله عندها رجالة دلوقتي.

واستكمل، لما كبرت فهمت إني كنت لا أسعى للتسبب في أذى للناس، لكن كنت أحب تكوين المشهد، كما يحدث في شغلي دلوقتي.

علاقة محمد هنيدي بالراحل علاء ولي الدين 

وعن علاقته بالراحل علاء ولي الدين قال: مش لازم يبقى حاضر بشحمه ولحمه.. لكن طول الوقت بيبقى حاضر في المواضيع والحكايات.

وأوضح في خبطة وفاة علاء فضلت 3 شهور لا ببكي ولا بعمل حاجة ولا كنت فاهم حاجة لكن ربنا لطف.

وأكد على أنّ أحدا من أصدقائه لا يمكنه ملء مكان علاء ولي الدين.

وتابع، اتقابلنا في المعهد العالي للفنون المسرحية، وكل الناس بتقوله في واد قصير دمه خفيف وأنا بيقولولي في واد تخين دمه خفيف، فاتقابلنا وكل واحد حد يطلع اللي عنده، وكان دمنا تقيل أوي.

اقرأ أيضًا.. 

خاص| عابد عناني يظهر كضيف شرف بمسلسل الحشاشين في رمضان 2024

عابد عناني: رفضت أعمال كتير مؤخرًا لهذا السبب