داليا شوقي تعلن عدم مشاركتها في مسلسل وبينا ميعاد الجزء الثاني.. لهذا السبب

كشفت الفنانة داليا شوقي عن عدم مشاركتها في الجزء الثاني من مسلسل وبينا معاد، المقرر عرضه خلال الفترة المقبلة، وذلك عبر حسابها الرسمي بموقع تبادل الصور والفيديوهات القصيرة إنستجرام.

اعتذار داليا شوقي عن المشاركة في مسلسل وبينا ميعاد الجزء الثاني 

ونشرت داليا شوقي مجموعة صور من شخصيتها في مسلسل وبينا ميعاد، وفي تعليق رصده تحيا مصر قالت: ‎كان سر كبير و تقيل بس اعتقد دلوقتي كلكوا عرفتوه.

سبب عدم مشاركة داليا شوقي في مسلسل وبينا ميعاد الجزء الثاني 

وتابعت، بالنسبالي هند حكايتها خلصت في أول جزء من وبينا ميعاد مقدرتش اكمل لتغيرات جذرية من وجهة نظري عن الشخصية و في اشياء تانية كتير.

وأضافت، ‎الأمانة راحت لشخص انا بحبه جداً و بتمني التوفيق للجميع. شكراً علي كل رسايلكم و علي حبكم..يا رب هند تفضل في قلوبكم زي ما هي كانت و ستظل حتة مني.

أزمة داليا شوقي بسبب سفاح الجيزة 

من جانبه، رد محمد فرج على منتقدي دفاعه عن داليا شوقي بسبب مشهدها في سفاح الجيزة قائلًا: بعد مساء الفل، فوجئت بعدد كبير من أصدقائي بيقولولي مزعل الجمهور ليه يا فراج؟، بصراحة استغربت من السؤال، أنا بقالي أكتر  من 15 سنة ممثل، عمر ما حصل إن اتقال لي جملة زي دي

وتابع فراج، القصة باختصار أنا كنت في العرض الخاص لفيلمي واتسألت من برنامج محترم عن ردي على إشاعة انفصالي عن بسنت وانتقاد أداء داليا، ورغم إن لا الوقت ولا المكان يستحملوا الكلام ده، لأننا بنحتفل بالفيلم، لكن احتراما للإعلام بشكل عام جاوبت، بس زي ما كلكم عارفين إن صيغة السؤال بتتحذف من المونتاج والخبر اللي بيتنشر هو الإجابة فقط لاغير، فالسؤال كان: إيه ردي على حملات الإهانة والتجريح فأنا قولت إن ده مينفعش ناخده بجدية لكن مكنتش بتكلم على الجمهور بشكل عام إطلاقًا.

وأضاف محمد فراج، أنا متأكد إن جمهوري اللي بنى اسم محمد فراج فاهم معنى كلامي كويس وعارف إن في فرق بين وجهة النظر وبين الإهانة والتجريح، ومتأكد إن جمهوري عارف إني مستحيل أحجر على رأيه، وياريت دايما الحكم على أي موقف أو رأي يكون بنظرة شاملة، مش من خلال سطرين متاخدين من مانشيت على فيس بوك، أو من فيديو اتعمل له مونتاج

اقرأ أيضًا.. 

إلهام شاهين: اللي هاجمهوا مسلسل الفريدو خدوا مقلب واعتذروا بعد قلة الأدب 

إلهام شاهين عن مسلسلها الفريدو: ايه المشكلة أنه يكون عن قصة حب بين واحدة كبيرة وشاب 

واختتم محمد فراج حديثه قائلًا: معلش طولت عليكم بس يمكن اللي حصل ده كان فرصة لتأكيد امتناني الدائم بآراء الجمهور وإني بستفيد من النقد والملاحظات زي ما ببقى سعيد بالإشادات، بحبكم وشكرا لدعمكم ليا من بداية مشواري.