إيناس الدغيدي تكشف كواليس إطلاق اسمها على شارع في مدينة الجونة

تحدثت المخرجة المصرية إيناس الدغيدي عن كواليس إطلاق اسمها على شارع في مدينة الجونة.

تصريحات إيناس الدغيدي 

وأوضحت الدغيدي في لقائها مع الإعلامية أسما إبراهيم في برنامج حبر سري الذي يرصده تحيا مصر، إحنا اتعودنا إن أسماء الشوارع تكون لقادة أو كتاب كبار، أشخاص مؤثرة في المجتمع، وأول طوبة تتحط في الجونة كنت متواجدة وقتها، وعلاقتي بآل ساويرس كويسة جدًا، وعلى طول متواجدة معاهم.

إيناس الدغيدي في برنامج حبر سري 

وتابعت إيناس الدغيدي، سميح بيقدر دور المرأة في المجتمع، وكان مسمي شوارع باسم دينا ولبنى.. وإحنا قاعدين ذات مرة واحد صاحبه قال له (ما تسمي شارع باسم إيناس الدغيدي، فهي سيدة ولها دور في المجتمع).

وأضافت، سميح ساويرس رفع السماعة وكلم مدير الموقع وقالله عندك شارع إيه فاضي؟ فقال له على الشارع، فسميح بلغه إنه يسميه شارع إيناس الدغيدي، والشارع ده موقعه مميز جدًا هناك.

واستكملت: الناس بتنتقد ده ليه؟ لأن فيه ناس عايزة يبقى فيه شوارع باسمها، وفترة أيام حكم الإخوان حصل مشاكل لسميح ساويرس بسبب وضع اسمي على الشارع.

إيناس الدغيدي تتحدث عن المشاهد الساخنة 

من جانبه، قالت إيناس الدغيدي، الجمهور بيحب يشوف اللي ميقدرش يعمله في الحياة، عشان كدا بيحبوا المشاهد الساخنة، وكل النجوم اللي عملوا أفلام جريئة وفيها المشاهد دي كان عندهم شهرة أكتر من اللي معملوش.

وتابعت، اللي بيتشغل في الفن هو صعب جدا ومش بيحب أولاده يشتغلوا فيه عشان صعوبته وحساسيته وحكم الناس عليك وبتأخذ مواقف ولم أتمنى بنتي تشتغل في الفن.

وأضافت إيناس الدغيدي، الفن مش مهنة سهلة والفن مش حرام واللي بيحاسب عليه ربنا.

اقرأ أيضًا.. 

في ذكرى ميلاده.. سبب مفاجئ حول انفصال أشرف زكي عن روجينا في بداية زواجهما 

حصاد 2023.. نجوم نجوا من الموت بأعجوبة في حوادث سير 

وأوضحت إيناس الدغيدي، اللي يتكلم عن التلامس والكلام ده في الفن مخ وعقلية، واللي يحرم الفن ويرجع ناس مشوهة فكريا ومش عارفه عايزة ايه وكل واحد بيختار في الحياة بيبقى عايز ايه والناس تختار وتتحدى وتواجه يا متدخلش الفن من الأساس.