إيناس الدغيدي: الجمهور بيحب المشاهد الساخنة.. وهذا موقفي تجاه التعاون مع حلا شيحة

فجرت المخرجة إيناس الدغيدي، تصريحات جرئية خلال حلولها ضيفة على برنامج حبر سري الذي تقدمه الإعلامية أسما إبراهيم عبر قناة القاهرة والناس الفضائية والتي يرصدها تحيا مصر في السطور التالية.

تصريحات إيناس الدغيدي 

وقالت إيناس الدغيدي: الجمهور بيحب يشوف اللي ميقدرش يعمله في الحياة، عشان كدا بيحبوا المشاهد الساخنة، وكل النجوم اللي عملوا أفلام جريئة وفيها المشاهد دي كان عندهم شهرة أكتر من اللي معملوش.

إيناس الدغيدي في حبر سري

وتابعت، اللي بيتشغل في الفن هو صعب جدا ومش بيحب أولاده يشتغلوا فيه عشان صعوبته وحساسيته وحكم الناس عليك وبتأخذ مواقف ولم أتمنى بنتي تشتغل في الفن.

وأضافت إيناس الدغيدي، الفن مش مهنة سهلة والفن مش حرام واللي بيحاسب عليه ربنا.

واستطردت إيناس الدغيدي، اللي يتكلم عن التلامس والكلام ده في الفن مخ وعقلية، واللي يحرم الفن ويرجع ناس مشوهة فكريا ومش عارفه عايزة ايه وكل واحد بيختار في الحياة بيبقى عايز ايه والناس تختار وتتحدى وتواجه يا متدخلش الفن من الأساس.

موقف إيناس الدغيدي من التعاون مع حلا شيحة 

وكشفت عن موقها من التعاون مع حلا شيحة قائلة: أهلا وسهلا لو الدور بتاعها في الحدود والمفروض تعيش الحياة كما يجب أن تكون في الفن ولكن متمسكش العصاية من النص، وأنا مش بحب الجراءة ولكن أنا جريئة بطبيعة شخصيتي ومهنتي والدنيا والمهنة اللي خلتني جريئة.

وسبق وقالت إيناس الدغيدي: أنا مثيرة للجدل لأني صادقة، وللأسف اتعودنا أن الصدق والصراحة مش طبعنا ولازم نداري ونجامل ونخبي، ولما تتكلمي بصراحة الناس بتتخض ويقولوا دي مش حياتنا أو أسلوبنا، حتى أصحابي وأهلي بيقولولي متقوليش الحاجات دي في أحاديثك الإعلامية.

وتابعت، والمشكلة أني مش بفكر وبقول اللي بحس بيه واللي جوايا، ولا مش بحب أعرف اللي هيتم سؤالي فيه خلال البرامج وبحب أطرح أفكاري وأكون واضحة.