بدرية طلبة تعلن تعرضها لحادث سير: مكنش ينفع أنام في السرير وأسيب شغلي

كشفت الفنانة  بدرية طلبة، عن تعرضها لحادث سير خلال الفترة الماضية، مشيرة إلى أنها استكملت عملها رغم مرضها.

تحيا مصر يرصد تفاصيل تعرض بدرية طلبة لحادث سير.

بدرية طلبة تكشف تفاصيل تعرضها لحادث سير 

وشاركت الفنانة بدرية طلبة متابعيها صور تجمعها مع بعض الفنانين، أبرزهم الفنان أحمد عز، أحمد عيد، محمد ثروت، آسر ياسين، كريم قاسم، وذلك عبر حسابها الرسمي بموقع تبادل الصور والفيديوهات القصيرة انستجرام، وعلقت قائلة: اللهم لك الحمد والشكر الصور دى قبل حادثة أتعرضت لها بس مكانش ينفع أنام في السرير وأسيب شغلي، اللي كان مقويني الدعم اللي شفته من كل الزملاء حواليا.. الحمد لله خلصت شغلي ودلوقتى جه وقت العلاج دعواتكم.

تصريحات بدرية طلبة 

من جانبه، قالت بدرية طلبة : يعني إيه سينجل ومش سينجل إحنا عايزين نلم الدنيا، ليه الطلاق وكل واحد يروح لحاله وتفرح؟ بنلاقيه على فيسبوك مكتوب إنها متزوجة وفرحانة، وتاني يوم تقول باركولي أنا سينجل، نباركلك على إيه؟ هو خراب البيوت بالساهل؟!.

وتابعت بدرية طلبة، عايزين نلم الدنيا وحالات الطلاق زادت أوي يا جماعة، وبتلاقي نفسك محتاسة في كل شئون حياتك، لكن لو الإنسان اللي في حياتك ميؤوس منه فأنا معاكي إنك تطلقي، أبغض الحلال عند الله الطلاق، لكن لو الحاجة تتصلح صلحيها يا بنتي وخلصي.

وأضافت، كلمة عانس تقيلة أوي، وبرا مصر الكلمة دي عندهم عيب، وأنا بقولهم دي بنهزر عندنا بيها، ولكن هي كلمة مؤلمة نفسيًا.

رسالة بدرية طلبة للإعلامية ياسمين عز 

وعن تصريحات الإعلامية ياسمين عز قالت: إيه يا ياسمين إحنا ماشيين بالعلاج، كل واحدة فينا فيها اللى مكفيها، اللى متجوزة ومستنياها تقول يا أستاذمحمد فيها اللي مكفيها، بدل ما تطول فى المد بالألف مفيش وقت الناس بتكح تراب وانتي جاية تقولي لها مدي بالألف، يعني الكلكعة الليفي قلبي منك زادت. 

اقرأ أيضًا.. 

إلهام شاهين عن مسلسلها الفريدو: ايه المشكلة أنه يكون عن قصة حب بين واحدة كبيرة وشاب 

إلهام شاهين: اللي هاجمهوا مسلسل الفريدو خدوا مقلب واعتذروا بعد قلة الأدب 

وتابعت، أنا لو قلت كده هيديني بطبق الملوخية فى وشي، إنتي بتوقعي توقيع غير مشروع وممكن تكوني قاصدة منه خير، بعد ماأقوله يلا يا محمد أقوله محمد بمد الالف واتنحنح شتوي، لا يا ياسمين لا، والله يا ياسمين يوم ما كنت بقوله يا قلبي، أحس إني في إيه، لاوقت للدلع المرق، بصي يا ياسمين إنتي خلتينا فعلا نكلم نفسنا وبعدين اي الصوت الشتوي ده يعني الست تلبس بطانية وهي بتتكلم ولا اي،وحتة الزوجة التانية الرجالة نفسهم مش مقتنعين، دانتي ممكن تروحي تقضي على جوزك يوم الصباحية.