جمال العدل: شبرا على أيامنا كانت كل الناس شبه بعض.. والوالد كان منفتح على الفنون وحببنا فيها

تحدث المنتج جمال العدل عن نشأته في حي شبرا، وذلك خلال لقاء له ببرنامج كل يوم، مع الإعلامي خالد أبو بكر، عبر شاشة تلفزيون قناة أون.

تحيا مصر

تصريحات جمال العدل في برنامج كل يوم

وقال جمال العدل: شبرا بتاعتنا جيناها أوائل الستينات ومشينا أوائل التمانينات، كان فيها الطبقة الوسطى وفوق المتوسطة، كل الناس شبه بعض، كنا بنروح للبقال، مكنش فيه سوبر ماركت، فالبقال عارفك وعارف أخوك الكبير وعارف عيلتنا، شبرا بتاعتنا مكانش فيه مسلم ومسيحي كانت العمارة بتاعتنا 10 شقق عمرنا ما فكرنا مين مسلم ومين مسيحي ولا جت في دماغنا، وكل الناس عارفة بعض كأنها أسرة كبيرة.

جمال العدل: محمد رمضان بيجيب إحباط للشباب ومفيش بيني وبين نيللي كريم خلاف

الجمعة القادمة.. جمال العدل في ضيافة برنامج سبوت لايت

جمال العدل: بقالنا 40 سنة في مجال الإنتاج

وعن نشأته في عائلة العدل، قال جمال العدل: الوالد كان مثقف كبير وكان عندنا مكتبة كبيرة طول الوقت، رمزي العدل خريج علوم ومعهد فنون مسرحية وسامي شرحه، فطول الوقت في البيت عندنا كتب بنقراها ومجلات فنية، والوالد كان منفتح على الفنون وحببنا فيه، ثم سامي ورمزي.

وتابع: سامي ابتدى يفتح شركة إنتاج سنة 1983 اسمها العدل فيلم واحنا معاه ثم انبثق منها العدل جروب، فعملنا العدل جروب مالتي ميديا عشان متغيرات السوق مع أولادنا، وبقالنا 40 سنة.

جمال العدل: عبد الناصر عمل أخطاء بايخة

وفي الحلقة ذاتها كشف جمال العدل عن مميزات وعيوب كل عصر مر على مر منذ الرئيس جمال عبد الناصر، فقال: عبد الناصر جاي شاب صغير قايم بثورة مع زملائه الاقتصاد المصري كان كويس جدا قبل ما هما يجوا، الجنيه المصري كان أحسن من الجنيه الاسترليني، وهو عمل حاجات كتير جميلة في مصر، عمل مصانع كفر الدوار، وفي حلوان وفي المحلة، وعمل أخطاء بايخة بالنسبالي زي حرب 67، والتأميم بأغلب أنواعه.

واضاف: ثم جه السادات في وضع مختلف عن اللي قبله أنما قدر يعمل حرب 73 وكمل على اللي عمله عبد الناصر، ثم جه مبارك من بلد تعبانة، هو عمل أول 10 سنين كويسين جدا ثم الوقت الطويل اللي قعده، قعد 30 سنة بياخد من فلوس الصحة وفلوس التعليم ومكنش عايز ياخد خطوة جريئة في أي موضوع، وجه الرئيس السيسي من الوضع دا بل خد أوحش منه بعد ثورتين، أحسن وقت من حيث حرية الإبداع أيام حسني مبارك، والمفروض صناعة الإبداع دي صناعة مهمة ولا يمكن تحصل وأنا مكتفها.