مروان حامد يستعد لإخراج فيلم تسجيلي عن والده الراحل

أعلن المخرج المصري مروان حامد تحضيره لفيلم تسجيلي عن والده الكاتب الراحل وحيد حامد، وذلك خلال لقائه مع عرب وود.

تحيا مصر

فيلم تسجيلي عن والد مروان حامد

وقال مروان حامد أنه يحضر لمشروع فيلم تسجيلي عن حياة والده الراحل لأنه كان كاتب استثنائيًا.

تصريحات مروان حامد 

وأضاف، ودايمًا بنظر لوالدي بنظرة فخر وإعجاب شديد ، كان صاحب كلمة صادقة وصلت للناس فى أوقات شديدة الصعوبة.

مروان حامد بمهرجان الجونة السينمائي 

من جانبه، قال مروان حامد خلال ندوة أقيمت على هامش مهرجان الجونة السينمائي في دورته السادسة: إبراهيم الأبيض لما جه كسيناريو كان كاتبه عباس أبو الحسن بدقة شديدة، وكان كاتب فيه وصف جيد جداً لهذا العالم، بعدين اتكلمت معاه وسألته قولتله عباس هي الحاجات دي موجودة في الحقيقة فطلعلي ملف هو كان عامله، الملف دا مليان قصاقيص جرائد لحوادث متنوعة جدا .. ومعرفش أول ما بجيلي السيناريو أخد قرارات إخراجية مباشرة.

وتابع، في عمارة يعقوبيان كنا المفروض عايزين نصور في العمارة الحقيقة اللي موجودة في شارع طلعت حرب، ومحصلش اتفاق بين الإنتاج والعمارة، وكنت ماشي ولقيت العمارة التانية اللي احنا صورناها في الفيلم وبعدين مهندس الديكور قالي العمارة دي شكلها عمارة يعقوبيان أكتر من الحقيقية.

وأردف، فيش حد متأكد بنسبة 100% من نتيجة العمل اللي هو بيعمله أو أنا على الأقل، دايما الشكوك طول الوقت موجودة، وطول الوقت الواحد مش متأكد هل العمل دا يستحق أن الواحد يعمله ولا لا.

وأضاف: وبالتالي المقياس الحقيقي ليا أن أنا يبقى عندي شغف حقيقي للعمل، ويكون مسيطر عليا، ودا اللي بيخليني أحس أن المشروع مظبوط.

واستطرد: وفي فيلم إبراهيم الأبيض قعدت 8 سنين بحاول أعمل الفيلم، بس عشان أنا كنت بحبه جدا، والعالم دا كان مستهويني بشكل كبير جدا، بس لو مكنش عندي هذا الإحساس تجاه الفيلم مكنتش هقعد 8 سنين بحاول أعمله.

وكتب مروان حامد على حسابه الرسمي بموقع التواصل الإجتماعي فيسبوك: شكرًا لكل أسرة مسلسل الاختيار الجزء الثالث لإهدائهم العمل لروح والدي الكاتب الكبير وحيد حامد رحمة الله عليه.. مع تمنياتي للعمل بالنجاح الكبير والتوفيق.