حمو بيكا لمنتقدي عقيقة ابنته تاج: هي الكحكة في ايد اليتيم عجبة! ما كله بيعمل كدة واكتر

تحدث مطرب المهرجانات الشعبية حمو بيكا عن عقيقة ابنته تاج، ورد على منتقديه بشأن الحفل الكبير الذي أقامه والذهب الذي دائما ما تظهر به زوجته شمس.

تحيا مصر

حمو بيكا: ربنا كرمني بالإنسانة اللي بحبها ورزقني بمولودة بعد 3 سنين 

وقال حمو بيكا خلال بث مباشر عبر موقع التواصل الاجتماعي فيسبوك: ربنا كرمني بشمس الإنسانة اللي بحبها ومتجوز من 3 سنين وداخل في الرابعة، وربنا رزقني بمولودة بعد 3 سنين وسميتها تاج وقلت ندرًا عليا هعمل لها سبوع العالم كله يتكلم عنه.

وتحدث في البداية عن الذهب الذي ترتديه زوجته فقال: حوار الدهب اللي مراتي لابساه مش جديد، وفي واحدة معرفهاش اتكلمت وهسمعكوا كمية الحقد والغيرة والنفسنة ومش هي لوحدها اللي بتتكلم بصفار وغل ولو دي حفيدتها أو بنتها وهي قادرة هتعمل أكتر من اللي أنا عملته وأنا معرفهاش وشفت من ده كتير وشفت غل من ده كتير مش فاهم ليه وبتقول مراتي لابسة خمسة ستة كيلو دهب.

حمو بيكا: فرحت ببنتي وعملت عقيقة وكنت نادر أعملها عقيقة محصلتش

ثم تطرق بحديثه عن عقيقة ابنته تاج: أنا فرحت ببنتي وعملت عقيقة ودبحت لها وعملت السنة اللي المفروض تتعمل، وطلعت لحمة وأكلت وعلى طول مش في العقيقة بس، ولكن أنا كنت نادر أعملها الليلة دي، لأني جاملت كتير  وأخواتي اللي نوروني ونجوم مصر كلهم جم يجاملوا حمو بيكا وعملت لها ليلة واتقال لو اتجوزت هتعملها إيه هعملها ليلة ويا رب أنتي تعيشي علشان تشوفيها.

حمو بيكا: محدش يجي يطلب مني حاجة عشان مش هديله

واختتم حمو بيكا: عاوز أقول لكل واحد قريب ما تتصلش بيا تطلب مني شيء علشان أنت معاك اللي يديلك وبتطلب ببجاحة أنا مش هديك حاجة، هي الحاجة غصب ما تطلبش ببجاحة وقلة أدب، وخفوا شوية  أنا عملت سبوع بنتي إيه المشكلة في ناس بتعمل وبتجيب وبتتهادى بعربيات وألماظ هي الكحكة في إيد اليتيم عجبة؟.