حمو بيكا يكشف معاناته قبل الشهرة: كنت عايش في أوضة والحمام جوة المطبخ وشقيت واتغربت

خرج مطرب المهرجانات الشعبية حمو بيكا للرد على منتقدي عقيقة ابنته تاج، الذي تصدر بها حديث مواقع التواصل الاجتماعي المختلفة خاصة بعدما حضره نخبة كبيرة من نجوم الفن ومطربي المهرجانات.

تحيا مصر  

حمو بيكا: كنت قاعد في أوضة وصالة والحمام في المطبخ

وقال حمو بيكا، في بث مباشر نشره عبر حسابه الرسمي بموقع التواصل الاجتماعي فيسبوك، كاشفا عن معاناته قبل الشهرة حيث قال: سيبوا الملك للمالك، والكلمتين دول للقريب قبل الغريب، أنا طالع من منطقة شعبية اسمها الدخيلة من أسرة متكونة من أربع إخوات والأب والأم وكنا قاعدين في أوضة وصالة والحمام جوه المطبخ، وأول مرة أقول الكلام ده واعذروني كنت قاعد في أوضة وصالة والحمام في المطبخ، وأبويا على باب الله بيسافر ويتغرب ويشقى علشان اللقمة اللي بناكلها بالحلال.

حمو بيكا: مدخلتش مدرسة وعمري ما مديت ايدي لحد 

وأضاف حمو بيكا: أنا ما دخلتش مدرسة وما اتعلمتش لكن اشتغلت وشقيت واتغربت كتير وأنا صغير، وعمري ما مديت إيدي على حاجة مش بتاعتي وكنت بقول يا رب أكرمني وأبقى حاجة لأهلي، ولما ربنا بيكرم بني آدم ويرزقه مش من فراغ، وما اتدولتش في بقي معلقة دهب وكنت بحب الخير لكل الناس ولحد الوقت ده.

حمو بيكا: كنت راجل شقيان والناس حبتني عشان دمي خفيف 

وعن صوره قبل الشهرة، قال: صوري دي تاج هشليها على راسي لحد وفاتي، وكنت راجل شقيان وتعبان وبدأت رحلتي وقلت أجرب اشتغلت وغنيت وجت معايا والناس حبتني لأن دمي خفيف، وأنتم اللي حكموتوا عليا أني دمي خفيف.

أزمة حسن شاكوش وحمو بيكا بسبب عقيقة ابنته تاج 

وكانت قد نشبت أزمة بين حسن شاكوش وحمو بيكا بسبب عقيقة ابنته تاج، حيث خرج شاكوش ليوضح سبب عدم حضوره، قائلا: مبتحركش ومبروحش لأي حد من مكاني غير لما أتعزم، إلا لو كان عندي شغل وأنا كان عندي شغل ولكن غير كدة بيكا معاه تليفوني ومعزمنيش فلو كان عزمني كنت روحت وممكن تكون الدنيا كانت لاهياه ولا حاجة.

حسن شاكوش عن عدم حضور عقيقة ابنة حمو بيكا: معاه تليفوني ومعزمنيش

وتابع حديثه، قائلا: حب الخير لغيرك عشان ربنا يكرمك ويقويك في اللي انت فيه أوعا تكره لحد الخير وأي حد حتى عامل النظافة ليه عدو، وعدوم ابن كارك، مفيش حد عايزك أحسن منه وده حقه، ولكن فيه ناس غيرة شغل وغيرة شخصية.