شقيق شيرين عبد الوهاب: ماليش علاقة بطلاقها وبتمنى ليها كل خير

خرج محمد عبد الوهاب، شقيق الفنانة شيرين عبد الوهاب ليكشف حقيقة علاقته بطلاق الفنانة من حسام حبيب، مشيرا إلى أنه عرف نبأ الطلاق منذ يومين لكنه ليس له علاقة به من قريب أو بعيد، مؤكدا أنه يفضل أن يكون في حاله بتلك الفترة بسبب ضغوطات نفسية يعاني منها.

تحيا مصر 

شقيق شيرين عبد الوهاب: ماليش علاقة بموضوع حسام حبيب 

وكتب محمد شقيق شيرين عبد الوهاب عبر حسابه الرسمي بموقع التواصل الاجتماعي فيسبوك: "والله ولا كنت عايز أعلق على الموضوع أساسًا ولا عايز أصلًا تبقى ليَّ علاقة بأي حاجة أنا بس المعلومة عندي من يومين ومن كتر التليفونات والرسايل من الصحفيين وأنا ما ليش أي علاقة لا من قريب ولا من بعيد بموضوع حسام حبيب ولا عايز".

وتابع حديثه، قائلا:  “الحقيقة بحبها أوي روحي وعمري وأختي الكبيرة وتاج راسي وخيرها عليَّ ولحم كتافي من خيرها وأمي التانية بعد أمي، وبإذن الله هترجع تاني تكسر الدنيا وتمتعنا بفنها وغناها وصوتها وإحساسها اللي مفيش زيه في الكوكب كله، وبتمنى لها كل خير من كل قلبي وتاخد بالها من ولادها سندها في الدنيا ونور عينيها، بس كله من وأنا بعيد في حياتي.. وحياة أمي بحبها أوي بس والله الطاقة اللي عندي يدوب على قد شوية الأمراض اللي جات لي والحمد لله على كدا، ما ليش علاقة بأي حاجة أتمني تسيبوني أرجع شخص عادي ملوش علاقة غير بنفسه وبس شكرًا”.

طلاق شيرين عبد الوهاب وحسام حبيب 

وسبق وانتشر تصريح لشقيق شيرين عبد الوهاب بعد طلاقها، قال فيه: الحمد لله الفنانة خلصت من لوسي ابن طنط فكيهة، ربنا يصلح حالها ويبعد عنها أي شر والناس اللي شبهه.

ضرب وشتائم.. سر طلاق شيرين عبد الوهاب وحسام حبيب

شقيق شيرين عبد الوهاب بعد طلاقها: الحمد لله خلصت من لوسي ابن طنط فكيهة

وكان قد تصدر طلاق شيرين عبد الوهاب عن حسام حبيب حديث مواقع التواصل الاجتماعي المختلفة وذلك بعد تأكيدها النبأ من خلال رسالة نقلها الإعلامي عمرو أديب على لسانها خلال برنامجه الشهير الحكاية.

أول تعليق من شيرين عبد الوهاب على طلاقها

وقال عمرو أديب خلال البرنامج، كاشفا عن رسالة شيرين عبد الوهاب: الانفصال تم باحترام وبهدوء وبرضاء تام بين الطرفين، واطمنوا عليا أنا كويسة وحسام حبيب كويس ومش بنعاني من أي أزمات مرينا بيها قبل كدة والموضوع مشي بشكل ودي ما بينا.