واحدة كلمته الساعة 4 الفجر.. عبير تشكو زوجها: 5 سنين بتخان

جوزي خاين وأنا زهقت من اللي بيعمله.. بهذه الكلمات سردت عبير مأساتها مع زوجها بعد زواج استمر لمدة 5 سنوات، إلا أنها قررت في النهاية اللجوء إلى محكمة الأسرة طالبة الخلع من زوجها بسبب خيانته المتكررة لها.

تحيا مصر

حريق كفر الشيخ.. تفاصيل حادث المعرض الدائم للملابس | صور

لعنة الفلوس.. شخص يقتل ابن عمه بسبب الخلافات في الجيزة

سيارة بدون لوحات.. حيثيات حبس متهم بسبب الهيروين والايس في القاهرة

عميد طب الأسنان بالقاهرة: الجامعة حثت الشباب على المشاركة في الانتخابات

عبير تطلب الخلع من زوجها

وسردت عبير قصتها مع زوجها قائلة «أنا ست عندي 35 سنة، وحياتي كانت عادية جدا قبل الجواز، ما بين شغلي وبيت أهلي بس، ومكنش ليا غير صاحبتي وبس وكمان كنت بشوفها في بيت أسرتي لما كانت بتيجي أو بنتكلم في التليفون، وأنا كنت بشتغل في شركة قريبة من البيت، لحد ما روحت فرح بنت خالتي وبعد الفرح لقيت خالتو بتقول لوالدتي أن في عريس عايز يجي ويتقدم لي، وأنه شافني في الفرح وهو قريب العريس وبيدور على عروسه، وماما قالت لها هكلم والدها وأرد عليكي».

عبير: جوزي أكبر مني بـ 6 سنين

وقالت عبير عن زواجها «بعد حوالي 20 يوم العريس جه وقعد مع والدتي وخالي في البيت وشرح الظروف كلها، وقال أنه بيشتغل محاسب في شركة وأنه عنده 35 سنة وعايز عروسة بنت ناس وهادية وهو لما شافني في الفرح شاف فيا الهدوء، وأنا حسيت أنه شخص كويس وهادي مع أنه أكبر مني بـ 6 سنين، وبعدها والدتي وافقت وقالت له على ميعاد عشان يجي البيت تاني هو وأسرته، وفعلا جه البيت وقعد مع ماما وخالو وأعمامي، واتفقوا على كل حاجة واتخطبنا، وكنا بنجهز في الشقة عشان الجواز».

عبير: 5 سنين عايشة مع واحد خاين

وأكملت عبير قائلة «فترة الخطوبة مكنش فيها مشاكل طبعا لكن بعد الجواز ومع خيانته ليا المتكررة بدأت افتكر مواقف غريبة كان بيعملها، لأنه كان كتير اكلمه بالليل الاقي التليفون مقفول ولما يصحى يقولي كان فاصل شحن، بس أنا طبعا مكنتش بحط في دماغي الكلام ده وكنت مشغولة في الخطوبة والتجهيزات بتاعت الجواز، وفعلا اتجوزت أنا وهو والحياة في بداية الجواز كانت زي أي اتنين مفيهاش مشاكل كتير، والدنيا كانت بيني وبينه كويسة، وهو كان بيعاملني كويس، لكن بعد 3 سنين جواز كانت أول مرة أعرف أنه بيخوني».

عبير تشكو زوجها: واحدة كلمته الفجر

وتابعت عبير عن خيانة زوجها لها «بعد 3 سنين جواز في مرة كنت نايمة وصحيت من النوم سمعت صوته في الأوضة التانية بيكلم حد بس محطتش في دماغي لكن أول ما جيت اخرج من الأوضة سمعته بيقول - ما أحنا كنا لسه سوا امبارح - ووقفت سمعت كلامه وعرفت انه بيكلم واحدة ودخلت عليه الأوضة التانية فجأة ولما سألته بتعمل ايه حط التليفون وقالي مفيش كنت بكلم واحد صاحبي عشان نازلين بالليل على القهوة، وطبعا أنا معملتش مشكلة، لكن في نفس الأسبوع، جاله تليفون الساعة 4 الفجر ومكنش عايز يرد ولما سألته قالي رقم غريب بس أنا شديت الموبايل ولقيت رقم متسجل بحروف غريبة ولما فتحت وعملت ميوت لقيت صوت واحدة ست».

واختتمت عبير قصتها «وطبعا قامت خناقة بيني وبينه كبيرة وروحت عند بيت والدتي وهو جه عشان يصالحني، ورجعت بيتي تاني وفضلت على الحال ده السنتين اللي فاتوا كل شوية مشاكل وخيانة واسيب البيت وفي النهاية قعدت معاه وطلبت الانفصال في هدوء من غير مشاكل قالي لا روحت محكمة الأسرة ورفعت قضية خلع عليه».