منهم كريم عبد العزيز وأحمد السعدني.. أبرز الحضور في جنازة والد ريهام عبد الغفور

حضر عدد كبير من نجوم الوسط الفني جنازة الفنان الكبير أشرف عبد الغفور والد الفنانة المتألقة ريهام عبد الغفور في مسجد الشرطة بمنطقة الشيخ زايد.

تحيا مصر

حضور جنازة أشرف عبد الغفور 

وكان من أبرز حضور جنازة والد ريهام عبد الغفور، كريم عبد العزيز، كريم فهمي، أحمد السعدني، أحمد رزق، أشرف زكي، منير مكرم، وفاء عامر، دينا الشربيني، سيد رجب، داليا البحيري، علا رشدي، مصطفى قمر، هنا شيحة، نور إيهاب، عمرو سلامة، إياد نصار، محمد رياض، بشرى، نهال عنبر، ندى موسى، رنا رئيس، عمرو محمود ياسين، وغيرهم من الفنانين.

تصريحات كريم عبد العزيز 

على الصعيد الآخر، قال كريم عبد العزيز خلال لقائه ببرنامج sold out المذاع على منصة watch it مع الإعلامي محمود سعد : أنا عامل لوالدتي تأمين صحي وكنت مسافر في إنجلترا وكانت والدتي تعبانه وهتعمل عملية، فجأة لقيت آلام غير طبيعية في صدري افتكرته برد ودهنت فيكس وأبو فاس وبعدها عملت أشعة ومشيت.

لقاء كريم عبد العزيز ببرنامج Sold out

وتابع حديثه، فوجئت تاني يوم برسايل بيطلبوا أني أروح للمستشفى فورا وأنا مش حاسس بحاجة، وصلت لقيت ناس واقفة مستنياني وبيسألوا إزاي واقف على رجلي، وقتها كان عندي 36 سنة دخلت الأوضة مع الدكتورة وقالتلي أنا أسفة لكن دا الطب ولازم أقولك " إنت هتموت".

وأضاف، لأول وهلة قعدت أقول هو في die جديدة في الإنجليزي كان عندي 9 جلطات في الرئة، كنت عايز أهرب من المستشفى وطلبت منها إني أروح أشوف ولادي، قعدت في المستشفى 4 أيام في العناية المركزة وكل الأفكار الغريبة كانت في بالي كل اللي بفكر فيه أولادي.

اقرأ أيضًا.. 

تحس ضهره مكسور.. طه دسوقي في وداع طارق عبدالعزيز 

واستطرد، قررت أشوف دكتور تاني وفعلا قابلتله وقلت له إني لو قعدت في مستشفى هموت، فضل يسألني إن كنت روحت لدكتور تاني أو مستشفى وأنا أجاوت لأ، مع إن في إنجلترا الشبكة الطبية مربوطة ببعض يعني هو شايف إني دخلت مستشفى لكن كنت بجاوب لأ، لحد ما سألني بشتغل إيه قولت له ممثل ومش عايز أقعد في مستشفى، اتفق معايا إني مقعدش في مستشفى وأخدت الأدوية والحقن في البيت.