جوزي التاني بيعامل ابني على أنه صديقه ومش بفكر في الخلفة تاني.. أبرز تصريحات فدوى عابد

فجرت الفنانة فدوى عابد تصريحات جريئة خلال لقاءها مع برنامج الستات المذاع على قناة النهار وتقدمه الإعلاميتين سهير جودة ومفيدة شيحة، من بينها تصريحاتها عن تعرضها للتحرش وعلاقتها بزوجها الثاني وتفاصيل ارتداءها الحجاب.

تحيا مصر

أبرز تصريحات فدوى عابد 

جوزي التاني بيعامل ابني على أنه صديقه ومش بفكر أخلف تاني.

جوازتي التانية مش مسؤولية احنا اتفقنا أننا ننبسط واللي مش هيتبسط فينا في أي وقت يقدر يمشي.

لو تطلب مني أعمل مشهد في بوس وأحضان هعمل وجوزي من أكتر الناس اللي بتشجعني وفي ضهري في الموضوع ده.

قررت أخلع الحجاب لأنه مكنش عن قناعة وكنت وخداه حماية من التحـ ـرش لكن لقيته مش فارق في حاجة.

مبسوطة إن جيلنا شجع أجيال بعدنا تتكلم عن التحرش وتطرح الموضوع للنقاش.

تجاربي مع التحـ ـرش كثيرة وبدأت وأنا مراهقة وأول مرة كانت في تاكسي وكنت خايفة بشكل رهيب وشكرت الراجل واديته فلوس وطلعت منهارة لماما.

احتجت وقت طويل علشان أفهم إني مش لازم أسكت ولازم أفضح المتحرش.

الناس اللي بتلوم البنات على التحـ ـرش بشوفها خسيسة وجبانة.

لبست الحجاب شهر عشان متعرضش للمضايقات لحد ما واحد مد ايده عليا قدام الجامعة.. لقيت إن مفيش حاجة بتحوق فيهم.

كلمة خطوط حمراء عكس كلمة فن ومفيش مشاهد بوس وأحضان في السينما من سنتين.

حياة فدوى عابد الشخصية 

كشفت فدوى عابد في تصريحات تليفزيوينة سابقة بأنها تزوجت مرتين الأولى من شاب غير معروف وأنجبت منه ابنها الوحيد الذي يبلغ من العمر 15 سنة الان، والثانية كانت في عام 2019 من داخل الوسط الفنية.

فدوى عابد: معنديش مشكلة أعمل مشاهد جريئة وجوزي بيدعمني وفي ضهري

اتجوزت مرتين ودخلت الفن عن طريق الصدفة.. معلومات لا تعرفها عن فدوى عابد بعد تألقها في صوت وصورة

فدوى عابد ودخولها مجال التمثيل 

وكانت أولى أعمال فدوى عابد مشاركتها في مسلسل سابع جار والذي تم عرضه في عام 2017، وجسدت من خلاله شخصية دعاء والتي كشفت عن أنها تشبهها تماما ولم تستطع الخروج منها بسهولة ثم شاركت فدوى بـ مسلسل في يوم وليلة في عام 2020، لتكون اخر أعمالها مسلسل صوت وصورة التي تألقت به خلال فترة عرضه على شاشات التلفزيون ومنصة واتش ات الرقمية محققا العمل الاعلى مشاهدة منذ أولى حلقات عرضه.