كان أطيب خلق الله.. أحمد رزق وسلوى محمد علي في وداع طارق عبد العزيز

حرص كلا من الفنانة سلوى محمد علي والفنان أحمد رزق على حضور تشييع جثمان الفنان طارق عبد العزيز بمسجد الشرطة في الشيخ زايد.

تحيا مصر

عمرو عرفة ينعي طارق عبد العزيز 

من جانبه، شارك عمرو عرفة صورة لـ طارق عبد العزيز، عبر حسابه الشخصي بموقع فيسبوك، وعلق عليها قائلًا: كان بيصور أخر شوط له الساعة 4 عصرًا، وأخر جملة قالها لـ شريف منير، تعال فيه مفاجئة، وخبط على كتفه وخرج من الشوط قعد على الكرسي وراء الكاميرا، وفاجأ الكل وانتقل إلى الرفيق الأعلى، طارق عبد العزيز فاجأنا كلنا الله يرحمه.

كواليس وفاة طارق عبد العزيز 

هذا وكشف شريف منير تفاصيل اللحظات الأخيرة في حياة طارق عبد العزيز في مداخلة هاتفية مع الإعلامي عمرو أديب ببرنامج الحكاية المذاع عبر قناة Mbc مصر قائلًا: كان عندنا تصوير النهاردة في فيلا بأكتوبر الساعة 11 الصبح وطارق كان بيلعب شخصية شريف وكان موجود وكان في حالة تألق كبيرة ونفسية جيدة ونشيط وبيضحك وكل حاجة كانت ماشية بشكل طبيعي.

وتابع شريف منير، في مشهد أنا بعمله هو وممثلة شابة بتيجي ترن جرس وهو بيفتح الباب وأنا بدخلهم الكادر وهو في وسطنا وبيسبنا وبيخرج وعملنا بروفة وصورنا أول مرة الشوت وكان واقف جنبي والمخرج قال عاوزين نعمله مرة تانية.

شريف منير يتحدث عن طارق عبد العزيز 

وأردف شريف منير، والمخرج بيقول أكشن جه طارق نحيتي وشوفت لونه بيروح وسند عليا وأعد على كرسي وسند دماغه على واحد واقف قصادي وقالي مش قادر أقف على رجلي وجسمه أصفر وفجأة أبيض وجسمه سقع وحاولت أدلكله قلبه ولقيت عينه مرفوعة لفوق وفتحتله القميص وجيت اسمع ضربات قلبه مسمعتش حاجة.

اقرأ أيضًا.. 

عابد عناني عن مشاركته في مسلسل الحشاشين: منتظر العمل دا من السنة اللي فاتت 

خاص|سلوى عثمان نجلة عثمان محمد علي تكشف تفاصيل جنازته

واستطرد، قمنا بنقله للمستشفى ولما رحنا الدكاترة قالولنا أنه جه المستشفى متوفي وأنا شفته وهو روحه بتطلع.. كان دايما بيقول انا فرحان بالشخصية دي جدا والخبر نزل عليا كالصاعقة وحسيت بعدها أن الدنيا متستاهلش حاجة.