رغم مساندته له.. صاحب واقعة كشري التحرير يهاجم أحمد العوضي: أنا أشهر منك| فيديو

خرج عامل النظافة صاحب واقعة كشري التحرير الذي أحدث ضجة عارمة منذ فترة وتصدر اسمه حديث مواقع التواصل الاجتماعي المختلفة لأيام عديدة ومتتالية، لمهاجمة الفنان أحمد العوضي، الذي مد له يد العون بعد واقعة طرده من كشري التحرير وقام بعزمه على العشاء وتوفير فرصة عمل له.

تحيا مصر 

صاحب واقعة كشري التحرير يهاجم أحمد العوضي

وقال صاحب واقعة كشري التحرير خلال لقائه بموقع تحيا مصر: أحمد العوضي ساعدني وكل حاجة وكتر خيره لكن طلع وقال أنا مش ندمان على أي حاجة عملتها غير ندمي على مساعدتي، ليه يعني أنا ربنا قدرلي إن اتشهر، أنا ربنا شهرني أه اي المشكلة، طالع يقول أن ساعدته كتر خيره بيقولي اني استغليت التريند غلط استغليته غلط ازاي معلش.

صاحب واقعة كشري التحرير: مخدتش من أحمد العوضي حاجة واللي يقول غير كدة كداب

وتابع حديثه، قائلا: مهما كان أي حد يقابلني في الشارع يقولي الفنان أحمد العوضي أقوله أيوة عزمني أحلى عزومة وبرد في ضهره أحلى رد، فمينفعش يطلع يقول أنا ندمت في اليوم اللي شوفته فيه، الموضوع اللي حصلي ده لو مكنش حقيقي كنت هروح في داهية، وأنا معايا رقمه هو عزمني عزومة وخلاص لكن مخدتش منه حاجة أكتر من كدة واللي يقولك غير كدة كداب.

واستكمل صاحب واقعة كشري التحرير حديثه، قائلا: هو أحسن الناس وقابلني أحلى مقابلة لكنه جايب ناس تصور المفروض اللي يعزم حد ده وعايز يساعده يكون في الدرا وبينه وبين الشخص مش يجيب ناس تصورني.

كلامك مش تربوي .. ياسمين نور الدين تهاجم أحمد العوضي بعد تصريحاته عن ضرب الأطفال

بفتخر أني من منطقة شعبية ومسلسل ضرب نار أرهقني.. أبرز تصريحات أحمد العوضي

أحمد العوضي عن صاحب واقعة كشري التحرير: معهوش رقمي ومش ندمان على حاجة عملتها

وكان قد تحدث أحمد العوضي خلال لقائه مع برنامج حبر سري الذي تقدمه الإعلامية أسما ابراهيم على قناة القاهرة والناس عن تفاصيل مساعدته لـ صاحب واقعة كشري التحرير، فقال: أنا اتعاملت مع الموقف إن حد اتهان على الملأ فحبيت أرد كرامته على الملأ، ومليش علاقة إيه اللي حصل بعد كدا، وهو معيش رقمي عشان يكلمني تاني، وأنا لا أندم على أي شيء عملته.